قوستانايدا 5 ماۋسىم كۇنى وبلىس ورتالىعىنداعى ساۋنالاردىڭ بىرىندە اكىمشى قىزمەتىندەگى ايەلدى كەلۋشىلەر ەسىنەن تانعانشا ۇرىپ-سوققان، دەپ حابارلايدى "ادىرنا" ۇلتتىق پورتالى كتك ارناسىنا سىلتەمە جاساپ.
سول كۇنى ايەل قوناقتارعا شەكتى ۋاقىتتارىنىڭ اياقتالعانىن ەسكەرتكەن.
“ولار ساۋناعا تاپسىرىس بەردى. ۋاقىتتارى تاۋسىلعان سوڭ سەرىكتەسىم بارىپ ەسكەرتتى. ءبىر ايتتى، ەكى ايتتى. ۇشىنشىسىندە ءوزىم باردىم. ولار مەنىمەن دورەكى سويلەسە باستادى. كەيىن مەن ەكىنشى جانجالدى شەشۋ ءۇشىن ەكىنشى ادمينيستراتورعا تەلەفون سوقتىم. سول كەزدە قاسىنداعى قىزداردىڭ ءبىرى اگرەسسيۆتى بولىپ، شۋ شىعارا باستالدى. ولار ماعان شابۋىل جاسادى، مەن ءوزىمدى قورعاي باستادىم. مەن بۇل كىسىلەردى مۇلدە تانىمايتىنمىن. قازىر مۇرنىم سىنىپ، دەنەمدە گەماتومالار قالدى”، - دەيدى جابىرلەنۋشى.
ايەل پوليتسياعا ارىز جازعان. ءىستى ىلگەرىلەتۋ ءۇشىن دەنساۋلىعىنا كەلتىرىلگەن زيان تۋرالى بارلىق انىقتامالار مەن قۇجاتتاردى ءوزى جيناۋدا. ول ەكىنشى سوققىدان كەيىن جەرگە قۇلاپ، ەسىن جوعالتقان. بەينەباقىلاۋ كامەرالارىنان الىنعان بەينەنى كورۋ ارقىلى ايەل وقيعانى ەسىنە تۇسىرگەن.
“بۇنداي جاعداي ومىرىمدە ءبىرىنشى رەت. مەن ەشقاشان ەشكىممەن توبەلەسپەگەم”، - دەپ قوستى ايەل.
ايەل سوڭىنا دەيىن بارامىن دەپ وتىر. ول اۋىرىپ قالۋعا ۋاقىتىنىڭ جوق ەكەنىن، ۇيدە كىشكەنتاي قىزى كۇتىپ وتىرعانىن جانە كۇيەۋى جۇمىس ىزدەپ جۇرگەنىن جەتكىزدى.
ء“بىز مىندەتتى تۇردە كومەكتەسۋگە تىرىسامىز. قۇقىقتىق كومەك پەن داعدارىس پسيحولوگىنىڭ كومەگىن كورسەتە الامىز”، - دەدى ايەلدەر كۇشتەرى اليانسىنىڭ وكىلى ريمما بەكتۇرعانوۆا.
"ادىرنا" ۇلتتىق پورتالى.
