Qostanaıda 5 maýsym kúni oblys ortalyǵyndaǵy saýnalardyń birinde ákimshi qyzmetindegi áıeldi kelýshiler esinen tanǵansha uryp-soqqan, dep habarlaıdy "Adyrna" ulttyq portaly KTK arnasyna silteme jasap.
Sol kúni áıel qonaqtarǵa shekti ýaqyttarynyń aıaqtalǵanyn eskertken.
“Olar saýnaǵa tapsyrys berdi. Ýaqyttary taýsylǵan soń seriktesim baryp eskertti. Bir aıtty, eki aıtty. Úshinshisinde ózim bardym. Olar menimen dóreki sóılese bastady. Keıin men ekinshi janjaldy sheshý úshin ekinshi admınıstratorǵa telefon soqtym. Sol kezde qasyndaǵy qyzdardyń biri agressıvti bolyp, shý shyǵara bastaldy. Olar maǵan shabýyl jasady, men ózimdi qorǵaı bastadym. Men bul kisilerdi múlde tanymaıtynmyn. Qazir murnym synyp, denemde gematomalar qaldy”, - deıdi jábirlenýshi.
Áıel polıııaǵa aryz jazǵan. Isti ilgeriletý úshin densaýlyǵyna keltirilgen zııan týraly barlyq anyqtamalar men qujattardy ózi jınaýda. Ol ekinshi soqqydan keıin jerge qulap, esin joǵaltqan. Beınebaqylaý kameralarynan alynǵan beıneni kórý arqyly áıel oqıǵany esine túsirgen.
“Bundaı jaǵdaı ómirimde birinshi ret. Men eshqashan eshkimmen tóbelespegem”, - dep qosty áıel.
Áıel sońyna deıin baramyn dep otyr. Ol aýyryp qalýǵa ýaqytynyń joq ekenin, úıde kishkentaı qyzy kútip otyrǵanyn jáne kúıeýi jumys izdep júrgenin jetkizdi.
“Biz mindetti túrde kómektesýge tyrysamyz. Quqyqtyq kómek pen daǵdarys psıhologynyń kómegin kórsete alamyz”, - dedi áıelder kúshteri alıansynyń ókili Rımma Bekturǵanova.
"Adyrna" ulttyq portaly.
