اتىراۋدا ەرلى-زايىپتىلار اجىراسقاننان كەيىن، كۇيەۋى ۇيلەرىن تراكتورمەن كۇرەپ تاستاپتى. بۇل تۋرالى جۋرناليست دياس نۇراقىن Facebook پاراقشاسىنا جاريالادى، دەپ حابارلايدى “ادىرنا” ۇلتتىق پورتالى.
“اتىراۋدا ونشاقتى جىل وتاسقان ەرلى-زايىپتى اجىراسىپتى. سوت زاڭدى تۇردە ەكەۋىن ەكى جاققا جىبەرىپ، مال-مۇلكىن بولىسكە سالعان. سوندىقتان ەكەۋى بىرگە تۇرعان ءۇيدى ساتىپ، اقشاسىن تەڭدەي ءبولۋى كەرەك ەدى. بىراق بۇعان كونبەگەن بۇرىنعى كۇيەۋى جىندانىپ، تراكتورمەن ۇيلەرىن كۇرەپ تاستاپتى. ماعان دا ساعان دا جوق دەپ جاساعان تىرلىگى ەكەن. ۇياداي ءۇيىن بالا-شاعاسىنان قىزعانعان عوي. ەندى ەكى بالاسىن جەتەكتەگەن جالعىزباستى انا تەنتىرەپ قالعان. قيراعان قاراشاڭىراعىن تەك قورشاۋدىڭ سىرتىنان عانا باقىلاپ ءجۇر”،- دەپ جازىلعان.
“ادىرنا” ۇلتتىق پورتالى
