اباي وبلىسىنىڭ ءماسليحات حاتشىسى سايلاندى

2554
Adyrna.kz Telegram
فوتو: zharar.com
فوتو: zharar.com

پرەزيدەنت قاسىم-جومارت توقاەۆتىڭ جارلىعىمەن بۇگىننەن باستاپ قۇرىلعان اباي وبلىسىنىڭ ءماسليحات حاتشىسى سايلاندى، دەپ حابارلايدى “ادىرنا” ۇلتتىق پورتالى.

قازىر سەمەي قالاسىندا اباي وبلىستىق ءماسليحاتىنىڭ العاشقى سەسسياسى وتۋدە. دەپۋتاتتاردىڭ شەشىمىمەن حاتشىلىق قىزمەتتى قۋانىش سۇلەيمەنوۆ اتقارادى.

قۋانىش سەرقازىۇلى 1973 جىلى بۇرىنعى سەمەي وبلىسىنىڭ شار قالاسىندا تۋعان. سەمەي مەملەكەتتىك ۋنيۆەرسيتەتىنىڭ تاريح فاكۋلتەتىن ءبىتىردى. وقۋىن قازاق مەملەكەتتىك زاڭگەرلىك اكادەميادا، سەمەي قالاسىنداعى شاكارىم اتىنداعى مەملەكەتتىك ۋنيۆەرسيتەتتە «مال شارۋاشىلىعى ونىمدەرىن ءوندىرۋ تەحنولوگياسى» ماماندىعى بويىنشا جالعاستىرىپ، اۋىلشارۋاشىلىق عىلىمدارىنىڭ ماگيسترى اتانعان. وسى ۋاقىتقا دەيىن «شالاباي» جشس باس ديرەكتورى قىزمەتىن اتقاردى.

ەسكە سالساق، وسىعان دەيىن اباي وبلىسى ءماسليحاتىنىڭ دەپۋتاتتىق قۇرامى بەكىتىلگەن بولاتىن.

”ادىرنا” ۇلتتىق پورتالى

پىكىرلەر