«Dauletten» قايىرىمدىلىق قورى 5 وتباسىعا قونىس توي جاسادى

3384
Adyrna.kz Telegram

بۇگىن «Dauletten» قايىرىمدىلىق قورى 5 وتباسىعا قونىس توي جاساپ، اۋىل مەشىتىندە ەرۋلىك بەردى.

اتالعان ءىس-شاراعا بەلگىلى تەلەجۋرناليست، بلوگەر جق «Dauletten قايىرىمدىلىق قورىنىڭ» نەگىزىن قالاۋشى، قامقورشىلار كەڭەسىنىڭ توراعاسى داۋلەت تولەۋتايۇلى مۇقاەۆ، «Dauletten قايىرىمدىلىق قورى» جق ديرەكتورى جاسۇلان بوستاندىقۇلى قۋاندىق، قالا-اۋدان اكىمدىگىنىڭ وكىلدەرى، دەپۋتاتتار قاتىستى.

«Dauletten» قايىرىمدىلىق قورى تاراپىنان قاسيەتتى رامازان ايىندا «بالا-شاعامەن سولتۇستىككە» جوباسى باستاۋ العان بولاتىن. جوبا بارىسىندا 5 وتباسىنى سولتۇستىك وڭىرگە كوشىرۋ جوسپارلانعان. جوباعا 2022 جىلدىڭ 5-15 ءساۋىر ارالىعىندا 1311 ءوتىنىم كەلدى. العاشقى كەزەڭدە ءوتىنىم بەرگەن قاتىسۋشىلاردىڭ اراسىنان جوعارى بالل جيناعان 20 وتباسى تاڭدالىپ، پسيحولوگ مامانمەن سۇحبات جۇرگىزدى.

كەلەسى ىرىكتەۋ كەزەڭىنە جيىنى 10 وتباسى وتكەن بولاتىن. سوڭعى كەزەڭدە جوبا قاتىسۋشىلارىمەن قوردىڭ قامقورشىلىق كەڭەس مۇشەلەرى، سونداي-اق قر پارلامەنت سەنات دۋپاتتارى، نۇر-سۇلتان قالالىق ءماسليحات دەپۋتتارى، قوعام بەلسەندىلەرى، جۋرناليستەرمەن سۇحبات جۇرگىزدى. ونىڭ ىشىندە دانا نۇرجىگىت، ءلاززات مۇراتقىزى، دوسىمجان تاڭاتاروۆ، ناعاشىبەك الدان جانە ت.ب. تۇلعالار قاتىستى.

قونىس اۋداراتىن جانداردىڭ اتقاراتىن جۇمىستارىنا، بيزنەس يدەيالارىنا ءمان بەرىلدى. «بالا-شاعامەن سولتۇستىككە» جوباسىندا ۇزدىك 5 وتباسى تاڭداپ الىندى.

پىكىرلەر