Búgin «Dauletten» qaıyrymdylyq qory 5 otbasyǵa qonys toı jasap, aýyl meshitinde erýlik berdi.
Atalǵan is-sharaǵa belgili telejýrnalıst, bloger JQ «Dauletten qaıyrymdylyq qorynyń» negizin qalaýshy, qamqorshylar keńesiniń tóraǵasy Dáýlet Tóleýtaıuly Muqaev, «Dauletten qaıyrymdylyq qory» JQ dırektory Jasulan Bostandyquly Qýandyq, qala-aýdan ákimdiginiń ókilderi, depýtattar qatysty.
«Dauletten» qaıyrymdylyq qory tarapynan qasıetti Ramazan aıynda «BALA-ShAǴAMEN SOLTÚSTIKKE» jobasy bastaý alǵan bolatyn. Joba barysynda 5 otbasyny Soltústik óńirge kóshirý josparlanǵan. Jobaǵa 2022 jyldyń 5-15 sáýir aralyǵynda 1311 ótinim keldi. Alǵashqy kezeńde ótinim bergen qatysýshylardyń arasynan joǵary ball jınaǵan 20 otbasy tańdalyp, psıholog mamanmen suhbat júrgizdi.
Kelesi irikteý kezeńine jıyny 10 otbasy ótken bolatyn. Sońǵy kezeńde joba qatysýshylarymen qordyń qamqorshylyq keńes músheleri, sondaı-aq QR Parlament Senat dýpattary, Nur-Sultan qalalyq máslıhat depýttary, qoǵam belsendileri, jýrnalıstermen suhbat júrgizdi. Onyń ishinde Dana Nurjigit, Lázzat Muratqyzy, Dosymjan Tańatarov, Naǵashybek Aldan jáne t.b. tulǵalar qatysty.
Qonys aýdaratyn jandardyń atqaratyn jumystaryna, bıznes ıdeıalaryna mán berildi. «Bala-shaǵamen Soltústikke» jobasynda úzdik 5 otbasy tańdap alyndy.
