Prezident Qasym-Jomart Toqaev 5 mausymda ötken referendum turaly ündeu jasady, dep habarlaidy “Adyrna” ūlttyq portaly.
"Qūrmettı otandastar! Keşe elımızde erekşe tarihi mänı bar oqiǧa boldy. Memleketımız damudyŋ jaŋa kezeŋıne qadam basty. Ata Zaŋymyzǧa ūsynylǧan özgerısterdı azamattardyŋ basym köpşılıgı qoldady. Referendum joǧary deŋgeide öttı. Mūny halyqaralyq jäne otandyq baiqauşylar da aityp jatyr. Konstitusiialyq reformalar qoǧamda qyzu talqylandy. Dauys beru demokratiia talaptaryna sai öttı. Eşqandai mäjbürlık bolǧan joq. Referendum nätijesı saiasi jaŋǧyrudyŋ anyq simvolyna ainaldy. Azamattarymyz zor jauapkerşılık tanytty jäne otansüigıştık qasietın paş ettı. Bız jaŋa, ädılettı Qazaqstandy qūru jolyndaǧy bırlıgımız bekem ekenın körsettık.
Konstitusiialyq tüzetuler memlekettıgımızdıŋ tūǧyrnamasyn tübegeilı özgertedı. Bükıl qoǧamnyŋ damuyna tyŋ serpın beredı. Referendumǧa belsene qatysyp, qoldau bıldırgen barşa halqymyzǧa zor rizaşylyǧymdy bıldıremın. Sondai-aq konstitusiialyq özgerısterdıŋ män-maǧynasyn tüsındıruge atsalysqan azamattarǧa türlı qoǧamdyq ūiymdarǧa alǧys aitamyn", - dedı Prezident ündeuınde.
“Adyrna” ūlttyq portaly
