الماتى وبلىسىنىڭ اكىمى قانات بوزىمباەۆ تالدىقورعان قالاسىنداعى ءى.جانسۇگىروۆ اتىنداعى مادەنيەت سارايىندا ورنالاسقان № 974 سايلاۋ ۋچاسكەسىندە بولىپ، رەفەرەندۋمداعى ءوز تاڭداۋىن جاسادى.
جالپى دەرەك بويىنشا الماتى وبلىسىندا 1 392 237 سايلاۋشى بار. ولار 1053 سايلاۋ ۋچاسكەسىندە داۋىس بەرەدى دەپ كۇتىلۋدە. ال ايماقتاعى سايلاۋ ۋچاسكەلەرى تاڭعى ساعات 7.00-دەن كەشكى 20.00-گە دەيىن جۇمىس ىستەيدى.
سونداي-اق رەفەرەندۋمعا 1074 كوميسسيا تارتىلعان، ونىڭ ىشىندە 21 كوميسسيا اۋماقتىق جانە 1053 كوميسسيا ۋچاسكەلىك مارتەبەگە يە. قازىرگى ساتتە ولاردا بارلىعى 7636 كوميسسيا مۇشەسى سايلاۋشىلارعا قىزمەت كورسەتۋدە. رەفەرەندۋم ۋچاسكەلەرىندە باقىلاۋشىلار دا ءوز مىندەتەرىن اتقارىپ جاتىر، ازىرگە وبلىس اۋماعىندا زاڭ بۇزۋ دەرەگى تىركەلگەن جوق.
