Kusto Group ديرەكتورلار كەڭەسىنىڭ توراعاسى – ەركىن تاتىشەۆ «جىلدىڭ حالىقارالىق كاسىپكەرى» اتاعىن يەلەندى. ونىڭ سۋرەتى موناكو كوشەلەرىنىڭ بىرىندە ءىلىنىپ تۇر، دەپ حابارلايدى "ادىرنا" ۇلتتىق پورتالى.
بيىل 21 اقپاندا الماتىدا EY ۇيىمداستىرعان "جىل كاسىپكەرى-2021" بايقاۋىندا قازىلار القاسىنىڭ شەشىمىمەن ەركىن تاتىشەۆ «جىل كاسىپكەرى-2021» اتاعىن جەڭىپ العان بولاتىن. ول ماۋسىمدا مونتە-كارلودا وتەتىن بايقاۋدىڭ حالىقارالىق فينالىنا قازاقستان اتىنان قاتىسۋعا مۇمكىندىك العان.
Entrepreneur of the Year (Entrepreneur of the Year) – الەمدەگى 35 جىلدىق تاريحى بار كاسىپكەرلەرگە ارنالعان ەڭ بەدەلدى حالىقارالىق بايقاۋ. بايقاۋ الەمنىڭ 60 ەلىندە وتكىزىلەدى جانە ءمىنسىز بەدەلگە يە. قازاقستانداعى بايقاۋدىڭ ۇلتتىق كەزەڭى 2007 جىلدان بەرى وتكىزىلىپ كەلەدى، سودان بەرى وعان ەكونوميكانىڭ ءتۇرلى سالالارىنان 800-دەن استام وتاندىق كاسىپكەر قاتىسىپ، التى جەڭىمپاز موناكودا ەل نامىسىن قورعاعان بولاتىن.
ەركىن تاتىشەۆتىڭ Kusto Group كومپانياسى الەمنىڭ 10 ەلىندە تانىمال، 20 جىلدىق تاريحى بار. كومپانيا مۇناي-گاز، قۇرىلىس جانە دامىتۋ سالالارىنداعى، اگروونەركاسىپ پەن تاۋ-كەن ونەركاسىبىندەگى تۇراقتى قىزمەتتەن باسقا جالپى سوماسى 1,1 ميلليارد تەڭگەنى قۇرايتىن الەۋمەتتىك جوبالار مەن قايىرىمدىلىق باعدارلامالارمەن بەلگىلى.
"ادىرنا" ۇلتتىق پورتالى.
