مەملەكەت باسشىسى قاسىم-جومارت توقاەۆ تۋدى پايدالانۋ ءتارتىبىن قايتا قاراستىرۋ قاجەت ەكەنىن مالىمدەدى. بۇل تۋرالى ول ۇلتتىق عىلىم اكادەمياسىنىڭ 75 جىلدىعىنا ارنالعان سالتاناتتى سەسسيادا سويلەگەن سوزىندە ايتتى، دەپ حابارلايدى «ادىرنا» ءتىلشىسى.
«قازىر الەۋمەتتىك جەلىدە مەملەكەتتىك تۋدى قادىرلەۋ تۋرالى كوپتەگەن وي-پىكىرلەر ايتىلۋدا. وكىنىشكە قاراي، قاسيەتتى كوك تۋىمىزعا بايلانىستى ورىن العان جاعىمسىز جاعدايلار ازايماي تۇر. سوندىقتان، بايراعىمىزدى پايدالانۋ ءتارتىبىن قايتا قاراۋ كەرەك دەپ ويلايمىن. قاجەت بولسا، ءتيىستى زاڭدارعا وزگەرتۋلەر ەنگىزۋگە بولادى. ويتكەنى، كوك تۋىمىز – قاستەرلى تاۋەلسىزدىگىمىزدىڭ سيمۆولى. تۋعان جەرگە تۋىڭدى تىك» دەپ حالقىمىز بەكەر ايتپاعان. ءبىز – تۋىن ارقاشان بيىك ۇستاعان ەلمىز. وسى رەتتە قانىش ساتباەۆتىڭ ءبىر ويى وزەكتى بولىپ وتىرعان سياقتى: «ءوز ەلىنىڭ قارا تاسىن ماقتان ەتە الماعان، وزگە جەردىڭ التىنىن دا ماقتاپ جارىتپاق ەمەس. مەملەكەتتىك رامىزدەرىمىزدى قاستەرلەۋ – ءار ازاماتتىڭ پارىزى. وسىنى وسكەلەڭ ۇرپاقتىڭ ساناسىنا سىڭىرەتىن ەڭ اۋەلى – سىزدەر، ياعني زيالى قاۋىم»،– دەدى پرەزيدەنت.
