Memleket basshysy Qasym-Jomart Toqaev týdy paıdalaný tártibin qaıta qarastyrý qajet ekenin málimdedi. Bul týraly ol Ulttyq ǵylym akademııasynyń 75 jyldyǵyna arnalǵan saltanatty sessııada sóılegen sózinde aıtty, dep habarlaıdy «Adyrna» tilshisi.
«Qazir áleýmettik jelide memlekettik týdy qadirleý týraly kóptegen oı-pikirler aıtylýda. Ókinishke qaraı, qasıetti kók týymyzǵa baılanysty oryn alǵan jaǵymsyz jaǵdaılar azaımaı tur. Sondyqtan, baıraǵymyzdy paıdalaný tártibin qaıta qaraý kerek dep oılaımyn. Qajet bolsa, tıisti zańdarǵa ózgertýler engizýge bolady. Óıtkeni, kók týymyz – qasterli Táýelsizdigimizdiń sımvoly. Týǵan jerge týyńdy tik» dep halqymyz beker aıtpaǵan. Biz – týyn árqashan bıik ustaǵan elmiz. Osy rette Qanysh Sátbaevtyń bir oıy ózekti bolyp otyrǵan sııaqty: «Óz eliniń qara tasyn maqtan ete almaǵan, ózge jerdiń altynyn da maqtap jarytpaq emes. Memlekettik rámizderimizdi qasterleý – ár azamattyń paryzy. Osyny óskeleń urpaqtyń sanasyna sińiretin eń áýeli – sizder, ıaǵnı zııaly qaýym»,– dedi Prezıdent.
