الەۋمەتتىك جەلىدە بىرىككەن اراب امىرلىگىنىڭ ادىلەت ءمينيسترى ابدوللا بەن سۇلتان اۆاد ءال-ءنۋايميدىڭ قازاقستاننىڭ تۇڭعىش پرەزيدەنتى نۇرسۇلتان نازارباەۆ پەن ونىڭ وتباسى مۇشەلەرىنە ازاماتتىق بەرگەن ەرەكشە جارلىعى تۋرالى اقپارات پايدا بولدى، دەپ حابارلايدى "ادىرنا" ۇلتتىق پورتالى.
«تولقۇجات ءۇشىن 1 ميلليارد دوللار تولەۋگە دايىن ادامدار ءبىزدىڭ ەلدە تۇرۋعا لايىق دەپ سانايمىن»، دەگەن بولاتىن ءباا ادىلەت ءمينيسترى.
بۇل اقپاراتتى Ulysmedia.kz دەرەككوزدەرى راستادى.
بۇل ەلدە ازاماتتىق تۋرالى زاڭعا وزگەرتۋلەر وتكەن جىلدىڭ سوڭىندا قابىلدانعانى بەلگىلى. ۇمىتكەرلەر تەك بىرنەشە شارتتاردى ورىنداۋى كەرەك. اقشاعا كەلەتىن بولساق، زاڭ ينۆەستوردى ءباا-دە جىلجىمايتىن مۇلىككە يە بولۋعا نەمەسە ەكونوميكا مينيسترلىگى بەكىتەتىن پاتەنت الۋعا مىندەتتەيدى. ءباا مۇعالىمدەردى، ينجەنەرلەردى، دارىگەرلەردى، عالىمداردى جانە شىعارماشىلىق كاسىپ وكىلدەرىن قابىلداۋعا دايىن. بىراق ولاردىڭ بىرەگەي عىلىمي سالادا تاجىريبەسى، ماماندىعى بويىنشا كەمىندە 10 جىل جۇمىس ءوتىلى جانە حالىقارالىق ماراپاتتارى بولۋى كەرەك.
بىرىككەن اراب امىرلىكتەرى پارسى شىعاناعى ەلدەرى اراسىندا مۇنداي شەشىم قابىلداعان العاشقى مەملەكەت. بۇعان دەيىن شەتەلدىكتەرگە ازاماتتىق ەرەكشە جاعدايلاردا بەرىلەتىن.
سىرتقى ىستەر مينيسترلىگى بۇل اقپاراتپەن تانىس ەمەستىگىن ايتىپ، قازاقستان رەسپۋبليكاسىنىڭ زاڭىندا قوس ازاماتتىققا تىيىم سالىنعانىن ەسكە سالىپ، كوشى-قون پوليتسياسىنان ءبىرىنشى بولىپ تابىلاتىنىن انىقتاۋدى ۇسىندى.
"ادىرنا" ۇلتتىق پورتالى
