Áleýmettik jelide Birikken Arab Ámirliginiń ádilet mınıstri Abdolla ben Sultan Avad ál-Nýaımıdiń Qazaqstannyń tuńǵysh prezıdenti Nursultan Nazarbaev pen onyń otbasy múshelerine azamattyq bergen erekshe jarlyǵy týraly aqparat paıda boldy, dep habarlaıdy "Adyrna" ulttyq portaly.
«Tólqujat úshin 1 mıllıard dollar tóleýge daıyn adamdar bizdiń elde turýǵa laıyq dep sanaımyn», degen bolatyn BAÁ ádilet mınıstri.
Bul aqparatty Ulysmedia.kz derekkózderi rastady.
Bul elde azamattyq týraly zańǵa ózgertýler ótken jyldyń sońynda qabyldanǵany belgili. Úmitkerler tek birneshe sharttardy oryndaýy kerek. Aqshaǵa keletin bolsaq, zań ınvestordy BAÁ-de jyljymaıtyn múlikke ıe bolýǵa nemese ekonomıka mınıstrligi bekitetin patent alýǵa mindetteıdi. BAÁ muǵalimderdi, ınjenerlerdi, dárigerlerdi, ǵalymdardy jáne shyǵarmashylyq kásip ókilderin qabyldaýǵa daıyn. Biraq olardyń biregeı ǵylymı salada tájirıbesi, mamandyǵy boıynsha keminde 10 jyl jumys ótili jáne halyqaralyq marapattary bolýy kerek.
Birikken Arab Ámirlikteri Parsy shyǵanaǵy elderi arasynda mundaı sheshim qabyldaǵan alǵashqy memleket. Buǵan deıin sheteldikterge azamattyq erekshe jaǵdaılarda beriletin.
Syrtqy ister mınıstrligi bul aqparatpen tanys emestigin aıtyp, Qazaqstan Respýblıkasynyń zańynda qos azamattyqqa tyıym salynǵanyn eske salyp, kóshi-qon polıııasynan birinshi bolyp tabylatynyn anyqtaýdy usyndy.
"Adyrna" ulttyq portaly
