ورالدا 50 قوقىس ورنىنىڭ ارقايسىسىنا ەكى كامەرادان ورناتىلعان. وعان 54 ملن تەڭگە قارجى بولىنگەن. ال بيىل بۇل ماقساتتا جەرگىلىكتى اكىمدىك تاعى 120 كامەرا ورناتۋدى جوسپارلاپ وتىر، دەپ حابارلايدى "ادىرنا" ۇلتتىق پورتالى.
"Protenge" تەلەگرامم كانالىنىڭ مالىمەتىنشە،جەرگىلىكتى اكىمدىك بۇل كامەرالاردى تۇرعىنداردىڭ سۇراۋىمەن ورناتقانىن جەتكىزگەن. ايتۋىنشا، ادامدار ۇلكەن كولەمدەگى قوقىستاردى تۇرمىستىق قوقىس كونتەينەرلەرىنە تاستاعانىنا ءجيى شاعىمدانعان.
ال "ۋرالسكايا نەدەليا" جازعانداي، بيىل قوقىس ورىندارىنا تاعى 120 كامەرا ورناتپاقشى.
"نادەجدا" باسىلىمىنىڭ جەرگىلىكتى جۋرناليستەرى قالالىق تۇرعىن ءۇي-كوممۋنالدىق شارۋاشىلىق ءبولىمىنىڭ باسشىسىمەن سۇحباتتاسقان. انىقتالعانداي، قازىر اتالعان 100 كامەرانىڭ 6-ى عانا جۇمىس ىستەپ تۇر، قالعان 94 كامەرا بيىل جازدىڭ سوڭىنا دەيىن قوسىلادى-مىس.
بەلگىلى بولعانداي، قوقىستى "اڭدۋعا" ورناتىلعان، ءالى قوسىلماعان كامەرالار ءۇشىن 2021 جىلدىڭ جەلتوقسانىندا تكش ءبولىمى مەردىگەرگە 54 ميلليون تەڭگە تولەگەن.
قازىر جەرگىلىكتى باق وكىلدەرى سىبايلاس جەمقورلىققا قارسى قىزمەت شەنەۋنىكتەرىنەن نەلىكتەن جۇمىس ىستەمەيتىن كامەرالار ءۇشىن اقشا تولەگەنىن تەكسەرۋدى سۇراپ جاتىر.
"ادىرنا" ۇلتتىق پورتالى.
