Oralda qoqys jáshikterin "ańdýǵa" 54 mıllıon teńge jumsalǵan

2007
Adyrna.kz Telegram
Foto: kommersant.ru
Foto: kommersant.ru

Oralda 50 qoqys ornynyń árqaısysyna eki kameradan ornatylǵan. Oǵan 54 mln teńge qarjy bólingen. Al bıyl bul maqsatta jergilikti ákimdik taǵy 120 kamera ornatýdy josparlap otyr, dep habarlaıdy "Adyrna" ulttyq portaly.

"Protenge" telegramm kanalynyń málimetinshe,jergilikti ákimdik bul kameralardy turǵyndardyń suraýymen ornatqanyn jetkizgen. Aıtýynsha, adamdar úlken kólemdegi qoqystardy turmystyq qoqys konteınerlerine tastaǵanyna jıi shaǵymdanǵan.

Al "Ýralskaıa nedelıa" jazǵandaı, bıyl qoqys oryndaryna taǵy 120 kamera ornatpaqshy.

"Nadejda" basylymynyń jergilikti jýrnalısteri qalalyq turǵyn úı-kommýnaldyq sharýashylyq bóliminiń basshysymen suhbattasqan. Anyqtalǵandaı, qazir atalǵan 100 kameranyń 6-y ǵana jumys istep tur, qalǵan 94 kamera bıyl jazdyń sońyna deıin qosylady-mys.

Belgili bolǵandaı, qoqysty "ańdýǵa" ornatylǵan, áli qosylmaǵan kameralar úshin 2021 jyldyń jeltoqsanynda TKSh bólimi merdigerge 54 mıllıon teńge tólegen.

Qazir jergilikti BAQ ókilderi Sybaılas jemqorlyqqa qarsy qyzmet sheneýnikterinen nelikten jumys istemeıtin kameralar úshin aqsha tólegenin tekserýdi surap jatyr.

 

"Adyrna" ulttyq portaly.

Pikirler