شىمكەنتتە “Shymkent jastar ligasy” جارىسى باستالدى

537

شىمكەنتتە ەكىنشى جىل قاتارىنان وقۋشىلار اراسىندا سپورتتىڭ ءتورت ءتۇرى بويىنشا  “Shymkent jastar ligasy” جارىسى باستالدى. بۇل تۋرالى شىمكەنت قالاسى اكىمىنىڭ ءبىرىنشى ورىنباسارى شىڭعىس مۇقان Facebook پاراقشاسىنا جاريالادى، دەپ حابارلايدى “ادىرنا” ۇلتتىق پورتالى.

بيىلعى ليگا مەملەكەت باسشىسى جاريالاعان بالالار جىلى اياسىندا ءوتىپ جاتىر. ليگا ويىندارىنا 151 مەكتەپتەن 5926 وقۋشى قاتىستى.


“وقۋ جىلىنىڭ باسىندا باستالعان Shymkent jastar ligasy ءوز مارەسىنە جاقىنداپ كەلەدى. بۇگىن ورتالىق ساياباقتا شاحماتتان اقتىق ويىندار باستالدى. ەرتەڭ باسكەتبول، سوسىن ۆولەيبول، 1 ماۋسىم - بالالار كۇنىندە ورتالىق ستاديوندا وسى ليگاعا باستاماشى بولعان شىمكەنت قالاسىنىڭ اكىمى مۇرات ايتەنوۆتىڭ قاتىسۋىمەن فۋتبولدان چەمپيوندار انىقتالىپ، ماراپاتتاۋ ءراسىمى وتپەك.

جالپى، بيىل ليگا اياسىندا ءوتىپ جاتقان شاحمات سايىسى اسا تارتىستى ءوتىپ جاتىر. وعان سەبەپ تە جوق ەمەس. ەكى جىلدان بەرى شىمكەنت قالاسىنداعى مەكتەپتەردىڭ باستاۋىش سىنىپتارىندا اپتاسىنا ءبىر رەت مىندەتتى شاحمات ساباعى ءوتىپ جاتىر. مۇعالىمدەر شاحمات ويىنى وقۋشىلاردىڭ ۇلگەرىمىنە دە جاقسى اسەر ەتىپ جاتقانىن ايتىپ جاتىر”،- دەدى شىڭعىس مۇقان.

ادىرنا” ۇلتتىق پورتالى

پىكىرلەر
ۇقساس جاڭالىقتار
Серіктестер/Партнеры
Студия IMA - создание сайтов Доставка цветов Астана - Lova Buket