ماۋسىم ايىندا بىرنەشە وبلىستا قۇرعاقشىلىق بولادى - سينوپتيكتەر

2333
Adyrna.kz Telegram

قازگيدرومەت 2022 جىلدىڭ ماۋسىمىنا ارنالعان قۇرعاقشىلىقتىڭ الدىن الا بولجامىن جاريالادى، دەپ حابارلايدى «ادىرنا» ءتىلشىسى.

«ماۋسىم ايىندا رەسپۋبليكانىڭ باسىم بولىگىندە قۇرعاقشىلىقتىڭ تۋىنداۋ ىقتيمالدىعى تومەن، نەگىزىنەن ىلعالدانۋ جاعدايلارى نورماعا جاقىن بولادى دەپ كۇتىلۋدە.

جامبىل وبلىسىنىڭ مويىنقۇم اۋدانىندا بىرقالىپتى قۇرعاقشىلىق، ال قىزىلوردا وبلىسىنىڭ قارماقشى اۋدانىندا جانە ماڭعىستاۋ وبلىسىنىڭ قاراقيا اۋدانىندا قاتتى قۇرعاقشىلىق بولجانادى.

جامبىل وبلىسىنىڭ رىسقۇلوۆ اۋدانىندا، اقتوبە وبلىسىنىڭ ويىل اۋدانىندا جانە تۇركىستان وبلىسىنىڭ سايرام اۋدانىندا قولايلى ورتاشا ىلعالدى جاعداي بولادى دەپ كۇتىلەدى»،– دەپ ءتۇسىندىردى ماماندار.

ايتا كەتسەك، قۇرعاقشىلىقتىڭ قارقىندىلىعى مەن اسەرى قازاقستاننىڭ ءار ايماعىندا ءار ءتۇرلى كورىنەدى. قىزىلوردا جانە ماڭعىستاۋ وبلىستارى اگروكليماتتىق اۋدانداستىرۋعا سايكەس، VIII اگروكليماتتىق ايماققا جاتادى جانە قۇرعاقشىلىققا ۇشىراعان وتە قۇرعاق، ىستىق ايماق رەتىندە سيپاتتالادى.

پىكىرلەر