جازۋشى تورعىن جولداسبەكقىزى ومىردەن ءوتتى

1083
فوتو: massaget.kz
فوتو: massaget.kz

بەلگىلى جازۋشى تورعىن جولداسبەكقىزى 37 جاسىندا ومىردەن ءوتتى، دەپ حابارلايدى "ادىرنا" ۇلتتىق پورتالى.

بۇل تۋرالى فەيسبۋك پاراقشاسىندا داۋرەن داريابەك جازبا قالدىردى.

"قاراتورعاي، باقۇل بول! بۇرىمدى قىز ارتىنا بۇرىلماي ارعى دۇنيەگە اتتانىپتى. قيماستىق كەۋدەنى كەۋلەپ بارادى. تورعىننىڭ تاعدىرى - ادامزاتقا ءومىردىڭ ءمانىن ۇقتىرۋ بولعان سەكىلدى. جاننان كەشكەن جازۋشى بار بولمىسىمەن، شىنايى قالپىندا عۇمىر كەشۋدى ۇيرەتىپ كەتتى.

ادام بويىنداعى قاسيەت ءار ءتۇرلى سيتۋاتسيادا اشىلادى. گەنەتيكالىق اۋتويممۋندىق دەرتكە شالدىققان تورعىننىڭ ميللياردتاعان بۇلشىقەت تالشىقتارى كۇن وتكەن سايىن ءولىپ جاتتى. تورعىن – سول اۋرۋدان ءومىردىڭ ءمانىن تاپقان جازۋشىنىڭ ءبىرى: وتباسى بولدى، راديودا اۆتورلىق حابارىن جۇرگىزدى، Facebook پەن مەديا ارقىلى ەلگە تانىلدى. جۇرۋدەن قالىپ، ارباعا تاڭىلعان ارۋدىڭ «اراشا» كىتابى جارىققا شىققان، جاقىندا فەنتەزي جانرىنداعى «كەش قالما» كىتابىنىڭ تۇساۋى كەسىلدى. سول كىتاپقا رەداكتورلىق جاساعان ەدىم. اۋرۋ مەڭدەپ، تورىققان ساتتە ءتۇس كورۋى – ونىڭ ءومىرى مەن سانا-سەزىمىنە ۇلكەن وزگەرىستەر ەنگىزدى... تاعدىر تورعىنعا قالام سىيلادى…", — دەپ جازدى ول.

تورعىن جولداسبەكقىزى — "اراشا" جانە "كەش قالما" كىتاپتارىنىڭ اۆتورى. جازۋشىنىڭ جۇزگە جۋىق شاعىن اڭگىمەلەرى ءتۇرلى باسىلىمداردا شىققان. جازۋشىنىڭ سوڭعى شىعارمالارى ونىڭ ءومىر جولىنداعى ەستەلىكتەرى مەن الەۋمەتتىك تاقىرىپتاردى قامتيدى. جازۋشىنىڭ ارتىندا كامەلەت جاسىنا تولماعان قىزى قالدى.

"ادىرنا" ۇلتتىق پورتالى جازۋشىنىڭ وتباسىنا، جاقىن-جۋىقتارىنا قايعىسىنا ورتاقتاسىپ، كوڭىل ايتادى.

"ادىرنا" ۇلتتىق پورتالى.

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket