«AMANAT» پارتياسى جانىنداعى ەكونوميكا، كاسىپكەرلىك جانە اگرارلىق سەكتور ماسەلەلەرى جونىندەگى رەسپۋبليكالىق قوعامدىق كەڭەستىڭ وتىرىسىندا كەڭەس توراعاسى، ءماجىلىس دەپۋتاتى امانجان جامالوۆ ينفلياتسيالىق ءوسىمدى بولدىرماس ءۇشىن مينيسترلىكتەر اتقارىپ جاتقان جوبالاردىڭ ءتيىمسىز ەكەنىن ايتتى، دەپ حابارلايدى "ادىرنا" ۇلتتىق پورتالى "Azattyq Rýhy" سايتىنا سىلتەمە جاساپ.
«قازىر دەپۋتاتتار وڭىرلەردى ارالاپ ءجۇر. حالىق ءبىرىنشى كەزەكتە ازىق-تۇلىك باعاسى جاپپاي قىمباتتاپ جاتقانىن ايتادى. 2022 جىلدىڭ ءساۋىر ايىندا ينفلياتسيا 13,10% بولدى. ازىق-تۇلىك تاۋارلارى 18%-عا قىمباتتادى. دەسە دە قازىر رەسمي ستاتيستيكاعا ەشكىم سەنبەيدى. بىزدەگى ينفلياتسيانىڭ قالاي ەسەپتەلەتىنىن انىقتادىم. ستاتيستيكا بيۋروسى ءوزى قالاعان ساۋدا ورتالىقتارىنا بارادى. مەنىڭشە، ولار تەكسەرىس كەزىندە باعانى تومەندەتىپ قوياتىن ساۋدا الاڭدارىن تاڭدايتىن سياقتى. حالىق قىمباتشىلىقتى پايىزبەن ەمەس، ەسەلەپ ەسەپتەيدى. سول ءۇشىن ينفلياتسيانى ەسەپتەيتىن ءتاسىلدى وزگەرتۋ كەرەك. ساۋدا جانە ينتەگراتسيا مينيسترلىگى قاجەتتى ازىق-تۇلىك باعاسىن انىقتايتىن جوبا اشقانىن جارياعا جار سالدى. سوڭىندا ونىڭ ەش پايداسىن كورمەدىك»، - دەيدى دەپۋتات.
ونىڭ سوزىنشە، باعانىڭ قىمباتتاۋىنا قاتىستى ۇكىمەتتىڭ «ينفلياتسياعا سىرتقى فاكتورلار اسەر ەتتى» دەگەن سىلتاۋى بار.
«قازىر ۋكرايناداعى جاعداي ءبىزدىڭ شەنەۋنىكتەرگە جاقسى بولدى. بىزدە كارتوپ باعاسىنىڭ 30%-عا ءوسۋى ۋكرايناداعى جاعدايعا بايلانىستى ما سوندا؟ ەڭ الدىمەن ەلدەگى ىشكى جاعدايدى، پروبلەمانى انىقتاۋ كەرەك. ۇلتتىق ەكونوميكا مينيسترلىگى قىمباتشىلىقپەن كۇرەس ءۇشىن 67 شارا ۇيىمداستىرىلعانىن ايتتى. سوعان قاراماستان باعا ءوسۋىن توقتاتقان جوق. مۇمكىن ولار باسقا باعىتتاعى شارالاردى ۇيىمداستىرىپ جۇرگەن شىعار. مينيسترلەر اۋزىن تولتىرىپ ەسەپ بەرگەننەن حالىق ونىڭ شاراپاتىن سەزىنبەيدى. ينفلياتسياعا ناقتى قانداي تاۋارلاردىڭ قىمباتتاۋى اسەر ەتكەنىن انىقتاپ، ساراپتاپ جاتقان دا پەندە جوق. اۋىل شارۋاشىلىعى مينيسترلىگى كارتوپ، نان، قانت جانە كوكونىس ءونىمىنىڭ ءوندىرىسىن ارتاتىنىن ايتتى. ءبىزدىڭ حالىق ودان باسقا تاماق جەمەي مە؟ ال ەت باعاسىنىڭ قىمباتتاپ جاتقانى، وسىمدىك مايى، ءسۇت ونىمدەرىنىڭ جايى نە بولماق؟!» - دەدى دەپۋتات.
ونىڭ سوزىنشە، باعانى تۇراقتاندىرۋ ماقساتىندا اتالعان مينيسترلىك اينالىم سحەماسىنىڭ تيىمدىلىگىنە بيۋدجەتتەن 18 ملرد تەڭگە بولگەن. بۇعان قوسا، سالىق تولەۋشىلەردىڭ اقشاسىنا ازىق-تۇلىكتى تۇراقتاندىرۋ قورىنا 16,8 ملرد تەڭگە بولىنگەن.
«سورەلەردە تاۋارلار قىمباتتاپ جاتىر، سوندا بۇل اقشا قايدا كەتىپ جاتىر؟ ودان دا بۇل اقشانى بىردەن حالىققا ۇلەستىرىپ بەرۋ كەرەك ەدى. سونىڭ پايداسى تيىمدىرەك»، - دەيدى دەپۋتات.
"ادىرنا" ۇلتتىق پورتالى
