اۆتوبۋستا وقۋشى قىزدى قورلادى دەگەن كۇدىكپەن ۇستالعان ازامات 10 تاۋلىككە قاماۋعا الىندى. بۇل تۋرالى قىزدىڭ اناسى الەۋمەتتىك جەلىدە جازبا جاريالادى، سودان كەيىن بۇل حابار بۇكىل قازنەتتە تارادى، دەپ حابارلايدى “ادىرنا” ۇلتتىق پورتالى.
پوليتسەيلەرگە 19 مامىردا ەلوردالىق قوعامدىق كولىكتە 12 جاسار قىزدى قورلاعان ەر ادام تۋرالى حابارلاما كەلىپ ءتۇستى.
اناسىنىڭ ايتۋىنشا، ەر ادام قىزدىڭ جامباسىنا قولىن تيگىزىپ، قىز ودان الىستاماق بولعاندا، ول تاعى دا جاقىنداپ، ارەكەتىن قايتالاعان. اناسىنا بەينەقوڭىراۋدان كەيىن عانا ەر ادام قاشىپ كەتكەن.
«پوليتسيا قىزمەتكەرلەرى دەرەۋ ەر ادامدى ۇستاۋ شارالارىن قابىلدادى. جەدەل-ىزدەستىرۋ شارالارى بارىسىندا بۇل ازامات ۇستالدى»، - دەپ اتاپ ءوتتى د.
33 جاستاعى ەر ادامعا قاتىستى قر اقبتك-ءنىڭ 434-بابى «ۇساق بۇزاقىلىق» بويىنشا اكىمشىلىك ءىس قوزعالدى.
”ادىرنا” ۇلتتىق پورتالى
