«نۇر-سۇلتان» اۋەجايىنىڭ ءباسپاسوز قىزمەتى Ashyq جوباسىنىڭ العاشقى كۇنىنىڭ قورىتىندىسىن شىعاردى، دەپ حابارلايدى "ادىرنا" ۇلتتىق پورتالى.
"Ashyq جوباسىنىڭ العاشقى كۇنىندە نۇرسۇلتان نازارباەۆ حالىقارالىق اۋەجايىنىڭ قىزمەتكەرلەرى «سارى» دەڭگەيىندەگى ءتورت جولاۋشىنى، «قىزىل» ستاتۋستى ەكى جولاۋشىنى انىقتادى. الگوريتم بويىنشا «قىزىل» ستاتۋسى بار جولاۋشىلار جەدەل جاردەم كەلگەنگە دەيىن وقشاۋلانعان، سودان كەيىن ولار اۋرۋحاناعا جاتقىزىلدى", دەيدى اۋەجاي.
12 مامىردان باستاپ نۇرسۇلتان نازارباەۆ حالىقارالىق اۋەجايىندا Ashyq جوباسى تولىعىمەن باستالدى.
"بارلىق جولاۋشىلارعا (ۇشىپ بارا جاتقان) اۋەجايعا كەلەر الدىندا قوسىمشانى جۇكتەپ الىپ، دەنساۋلىق ستاتۋسىن الدىن-الا تەكسەرۋ قاجەت ەكەنىن ەسكەرتەمىز. «سارى» جانە «قىزىل» دەڭگەيىندەگى جولاۋشىلار اۋەجاي عيماراتىنا كىرگىزىلمەيدى. ۇشاققا جىبەرىلمەگەن جاعدايدا اقشانى قايتارۋ تۋرالى سۇراقتار اۋە كومپانياسىنا جىبەرىلۋى كەرەك", دەدى ولار.
