نۇر-سۇلتان قالالىق پوليتسيا دەپارتامەنتىنىڭ قىزمەتكەرلەرى 351 رەت ەرەجە بۇزعان كولىك جۇرگىزۋشىسىن ۇستادى. ۇستالعان جىگىت قىرعىز رەسپۋبليكاسىنىڭ ازاماتى بولىپ شىقتى.
«ەسىل اۋداندىق پوليتسيا باسقارماسىنا تاكسي جۇرگىزشىلەرىنىڭ ءبىرى جۇگىنىپ، تۇران داڭعىلىنىڭ بويىمەن «سۋبارۋ وۋتباك» ماركالى اۆتوكولىكتىڭ كۇندە جول ەرەجەسىن ورەسكەل بۇزاتىنىن حابارلادى.
"پوليتسيا قىزمەتكەرلەرى تەرگەۋدى باستاپ، اتالمىش كولىكتى جۇرگىزگەن قىرعىزستان ازاماتىن ۇستادى. «سەرگەك» كامەرالارىن زەرتتەۋ بارىسىندا ونىڭ جول ءجۇرۋ ەرەجەسىن 351 رەت بۇزعانى انىقتالدى. ول 77 رەت قوعامدىق كولىكتىڭ جولىنا شىعىپ كەتسە، 274 رەت جىلدامدىق رەجيمىن ارتتىرعان. قالا ىشىندە كەيدە ساعاتىنا 142 شاقىرىممەن جۇرگەن. جۇرگىزۋشىگە جالپى سوماسى 7 ملن تەڭگە ايىپپۇل سالىندى.»، - دەپ حابارلايدى قالالىق پوليتسيا دەپارتامەنتى.
