رەسەي فەدەراتسياسى قورعانىس ءمينيسترىنىڭ ورىنباسارى يۋنۋس-بەك ەۆكۋروۆتىڭ جيەنى رەسەي اسكەرلەرىنىڭ دەسانتتىق-شابۋىلداۋ روتاسىنىڭ كومانديرى ادام حامحوەۆ 21 مامىرعا قاراعان ءتۇنى ۋكرايناداعى شايقاستا قازا تاپتى، دەپ "ادىرنا" ۇلتتىق پورتالى.
بۇل تۋرالى The Magas Times سايتى حابارلادى.
"الدىن الا بولجام بويىنشا، مارقۇمنىڭ دەنەسى ەرتەڭ، 22 مامىردا تۋعان جەرى كارابۋلاككا جەتكىزىلەدى. رەسپۋبليكاعا (ينگۋشەتيا) كىرە بەرىستە ونى ۇيىنە دەيىن شىعارىپ سالۋ ءۇشىن كەزدەسۋ ۇيىمداستىرىلادى", - دەلىنگەن حابارلامادا.
ينگۋشتىق باق-تىڭ حابارلاۋىنشا، حامحوەۆ — ريازان جوعارى اۋە-دەسانتتىق كوماندالىق ۋچيليششەسىنىڭ تۇلەگى. ول ۋليانوۆسك قالاسىنداعى بولىمشەدە اسكەري بورىشىن وتەگەن.
يۋنۋس-بەك ەۆكۋروۆ 2019 جىلدىڭ شىلدەسىنەن بەرى رەسەي فەدەراتسياسى قورعانىس ءمينيسترىنىڭ ورىنباسارى قىزمەتىن اتقاردى. بۇعان دەيىن ول ينگۋشەتيانى 12 جىل باسقارعان. 2021 جىلدىڭ جەلتوقسانىندا ەۆكۋروۆقا گەنەرال-پولكوۆنيك شەنى بەرىلدى.
"ادىرنا" ۇلتتىق پورتالى.
