شىمكەنتتەگى جارىلىستا قازا بولعاندار سانى ۇشەۋگە جەتتى

1954
فوتو: تengrinews.kz
فوتو: تengrinews.kz

شىمكەنتتە جارىلىستان قازا تاپقاندار سانى ۇشەۋگە جەتتى. قازا بولعاندار ىشىندە تاعى ءبىر جۇمىسشى بار، دەپ حابارلايدى "ادىرنا" ۇلتتىق پورتالى.

دەنساۋلىق ساقتاۋ مينيسترلىگى بۇل جاعداي ۆەدومستۆونىڭ باقىلاۋىندا ەكەنىن حابارلادى.

"پسيحولوگتار توبىنىڭ جۇمىسى ۇيىمداستىرىلدى. بۇدان باسقا، تۇركىستان وبلىسى بويىنشا جۇكتى جانە جاڭا تۋعان نارەستەلەردى باعىتتاۋدى ۇيىمداستىرۋ جانە وزگەرتۋ بويىنشا جۇمىستار شۇعىل تۇردە جۇزەگە اسىرىلىپ جاتىر. مەديتسينالىق قىزمەتكەرلەر بريگادالارى اۋىلدا پەريناتالدىق كومەك كورسەتۋ ءۇشىن اۋداندىق اۋرۋحانالارعا جىبەرىلەدى، ويتكەنى №1 وپو 3-ءشى دەڭگەيدەگى فۋنكتسيالاردى ورىندادى جانە وبلىستىڭ 7 اۋدانىنان جۇكتى ايەلدەر مەن جاڭا تۋعان نارەستەلەردى ەمدەۋگە جاتقىزۋمەن اينالىستى. زارداپ شەككەندەرگە ا.سىزعانوۆ اتىنداعى ۇعو حيرۋرگيا دارىگەرلەرى كونسۋلتاتسيا جاساپ جاتىر",- دەدى دەنساۋلىق ساقتاۋ مينيسترلىگى وكىلدەرى.

دەنساۋلىق ساقتاۋ مينيسترلىگىنىڭ مالىمەتىنشە، جارىلىستان كەيىن تاعى ءبىر ادام قازا بولعان. ول دا جۇمىسشى ەكەن.

ەسكە سالايىق، بۇگىن تاڭەرتەڭ شىمكەنتتەگى پەرزەنتحاناسىنىڭ ماڭىندا ورنالاسقان اۋرۋحاناارالىق ءدارىحانا جارىلدى. شىمكەنت پوليتسياسى جارىلىس دەرەگى بويىنشا قىلمىستىق ءىس قوزعادى.

 

"ادىرنا" ۇلتتىق پورتالى.

 

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket