بيىل رەسەيدە قوعامدىق قاۋىپكە بايلانىستى “ماڭگىلىك پولك” شەرۋى كوشەدە وتكىزىلمەيتىن بولدى، دەپ حابارلايدى “ادىرنا” ءتىلشىسى Interfax-قا سىلتەپ.
بۇل تۋرالى شتابتىڭ توراعاسى ەلەنا تسۋناەۆا مالىمدەدى.
“ورتالىق شتاب «قوعام قاۋىپسىزدىگىنە قاۋىپ تونگەندىكتەن» 2024 جىلى شەرۋدى جەكە وتكىزبەۋ تۋرالى شەشىم قابىلدادى”، - دەلىنگەن ءباسپاسوز ءماسليحاتىندا.
تسۋناەۆانىڭ سوزىنشە بيىلعى جىلى ەسكە الۋ شارالارى 1 مامىردا باستالادى.
ودان بولەك، قوعامدىق كولىكتەردە «ماڭگىلىك پولك» اكتسياسىن وتكىزۋ ۇسىنىلىپ، ونىڭ اياسىندا اۆتوكولىكتەرگە ۇلى وتان سوعىسى باتىرلارىنىڭ پورترەتتەرىن ورنالاستىرۋ ۇسىنىلىپ وتىر.
“ەستەلىك گالەرەياسى” رەتىندە قوعامدىق ورىنداردا، ساياباقتاردا، الاڭداردا ەكىنشى دۇنيەجۇزىلىك سوعىس باتىرلارىنىڭ، وردەن يەگەرلەرىنىڭ پورترەتتەرىن ورنالاستىرۋدى ۇسىنامىز”، - دەپ قوستى تسۋناەۆا.
ءوز كەزەگىندە رف ءبىلىم ءمينيسترى سەرگەي كراۆتسوۆ اكتسيانىڭ وقۋ ورىندارىندا دا وتەتىنىن ايتتى.
