11 مامىردا نۇر-سۇلتان قالاسىنداعى كوپقاباتتى تۇرعىن ۇيلەردىڭ ءبىرىنىڭ 8-قاباتتا ورنالاسقان بالكونىنان قۇلاعالى تۇرعان 3 جاسار بالانىءسابيت شونتاقباەۆ پەن ساعي جىلقىشيەۆ قۇتقارىپ قالعان ەدى. بىراق ءسابيدى قۇتقارعان جىگىتتەر ەكەۋ ەمەس، ۇشەۋ بولىپ شىقتى، دەپ حابارلايدى “ادىرنا” ۇلتتىق پورتالى turkystan.kz سايتىنا سىلتەپ.
ءۇشىنشى جىگىت ءسابيت شىققان تەرەزەنى ۇستاپ تۇرعان كورىنەدى. وعان ساعي جىلقىشيەۆتىڭ «مەن ءسابيتتىڭ اياعىن جىبەرمەي ۇستاپ تۇردىم. ءبىر جىگىت تەرەزە جابىلىپ كەتپەۋى ءۇشىن تەرەزەنى اشىپ، تىرەپ تۇردى» دەۋى دالەل. بۇل تۋرالى باتىر ەسىمدى بلوگەر جازدى.
ءۇش جاستاعى قىزدى قۇتقارعان ءۇشىنشى جىگىتتىڭ ەسىمى – نۇرايدىن. 2003-ءشى جىلعى. قىزىلوردا وبلىسى، قازالى اۋدانىنىڭ تۋماسى. قازىر قاراعاندى ۋنيۆەرسيتەتىنىڭ ماتەماتيكا جانە اقپاراتتىق تەحنولوگيالار فاكۋلتەتىندە ەكىنشى كۋرستا وقىپ ءجۇر.
نۇرايدىن استانادا اعاسىنىڭ ۇيىندە تۇرادى. سول وقيعا بولعان كۇنى ول سەسسياعا اسىعىپ بارا جاتقان.
«سول ساتتە ساعيدىڭ قاسىندا تەرەزەنى تىرەپ تۇرعان وسى نۇرايدىن بولعان ەكەن. ساعي ءوزى دە سوڭعى ۆيدەودا قاسىمىزدا تاعى ءبىر جىگىت بولعان دەيدى. تاپتىق. قاراپايىم جىگىت. ستۋدەنت. ءوزىم تۇسەمىن دەگەن جوق. ءوزىم تۇسىرەيىن دەدىم. وسىنداي جىگىتتەردى ەل ءبىلىپ ءجۇرسىن دەدىم. اتا-اناسى دا قۋانىپ ءجۇرسىن. جارايسىڭ نۇرايدىن. بۇل جىگىتكە مەدال ەشنارسە كەرەك ەمەس! ەرەكشە قۇرمەتتىڭ دە كەرەگى جوق! تەك ەل ءبىلسىن دەپ كورسەتتىم» دەپ جازدى بلوگەر.
“ادىرنا” ۇلتتىق پورتالى