3 jasar qyzdy qutqarǵan Sábıt pen Saǵıdyń janynda taǵy bir jigit bolǵan

3329
Adyrna.kz Telegram
Foto: Turkystan.kz
Foto: Turkystan.kz

11 mamyrda Nur-Sultan qalasyndaǵy kópqabatty turǵyn úılerdiń biriniń 8-qabatta ornalasqan balkonynan qulaǵaly turǵan 3 jasar balanySábıt Shontaqbaev pen Saǵı Jylqyshıev qutqaryp qalǵan edi. Biraq sábıdi qutqarǵan jigitter ekeý emes, úsheý bolyp shyqty, dep habarlaıdy “Adyrna” ulttyq portaly turkystan.kz saıtyna siltep.

 Úshinshi jigit Sábıt shyqqan terezeni ustap turǵan kórinedi. Oǵan Saǵı Jylqyshıevtiń «Men Sábıttiń aıaǵyn jibermeı ustap turdym. Bir jigit tereze jabylyp ketpeýi úshin terezeni ashyp, tirep turdy» deýi dálel. Bul týraly Batyr esimdi bloger jazdy.

Úsh jastaǵy qyzdy qutqarǵan úshinshi jigittiń esimi – Nuraıdyn. 2003-shi jylǵy. Qyzylorda oblysy, Qazaly aýdanynyń týmasy. Qazir Qaraǵandy ýnıversıtetiniń matematıka jáne aqparattyq tehnologııalar fakýltetinde ekinshi kýrsta oqyp júr.

Nuraıdyn Astanada aǵasynyń úıinde turady. Sol oqıǵa bolǵan kúni ol sessııaǵa asyǵyp bara jatqan.

«Sol sátte Saǵıdyń qasynda terezeni tirep turǵan osy Nuraıdyn bolǵan eken. Saǵı ózi de sońǵy vıdeoda qasymyzda taǵy bir jigit bolǵan deıdi. Taptyq. Qarapaıym jigit. Stýdent. Ózim túsemin degen joq. Ózim túsireıin dedim. Osyndaı jigitterdi el bilip júrsin dedim. Ata-anasy da qýanyp júrsin. Jaraısyń Nuraıdyn. Bul jigitke medal eshnárse kerek emes! Erekshe qurmettiń de keregi joq! Tek el bilsin dep kórsettim» dep jazdy bloger.  

“Adyrna”  ulttyq portaly 

Pikirler