كەشە، 18 مامىردا تاجىكستان بيلىگى گباو-دا «انتيتەررورلىق وپەراتسيا» باستالعانىن حابارلادى. تاجىكستان ىشكى ىستەر مينيسترلىگىنىڭ مالىمەتىنشە، ۇيىمداسقان قىلمىستىق توپ دۋشانبەدەن قىتايعا قاراي وتەتىن تاس جولدى جاۋىپ تاستاعان, دەپ حابارلايدى "ادىرنا" ۇلتتىق پورتالى.
قىلمىسكەرلەردىڭ ماقساتى رەسپۋبليكاداعى قوعامدىق-ساياسي جاعدايدى تۇراقسىزداندىرۋ دەپ اتالدى. اتاپ وتكەندەي، توپ حالىقارالىق لاڭكەستەردىڭ قولداۋىمەن ەلگە قارۋ-جاراق پەن وق-دارىلەردى اكەلگەن. قىلمىسكەرلەر قاتارىنا «شەتەلدىك جالدامالىلار» تارتىلعان.
تاجىكستان تاۋلى باداحشان اۆتونوميالىق وبلىسىنداعى (گباو) جاعدايدى سىرتقى لاڭكەستەر تۇراقسىزداندىرعانىن دالەلدەسە، وندا ول ۇقشۇ-دان كومەك سۇراۋى مۇمكىن. ياعني، ەل اۋماعىنداعى جاعدايدى رەتتەۋ ءۇشىن ۇقشۇ اسكەري كونتينگەنتىن ەنگىزۋگە بولادى. بۇل تۋرالى «ۆەچەرني بىشكەك» باسىلىمىنا قىرعىزستان ۇلتتىق قاۋىپسىزدىك مەملەكەتتىك كوميتەتى توراعاسىنىڭ بۇرىنعى ورىنباسارىنىڭ قاۋىپسىزدىك جونىندەگى ساراپشىسى ارتۋر مەدەتبەكوۆ مالىمدەدى.
ونىڭ ايتۋىنشا، قازاقستان ۇقشۇ-نىڭ بارلىق مۇشەلەرى ءۇشىن وسىنداي جاعدايدا ۇلگى بولدى.
"سوڭعى بىرنەشە كۇندە تاۋلى باداحشان اۆتونوميالىق وبلىسىنان جاپپاي نارازىلىقتار بولعانى تۋرالى حابارلامالار ءتۇستى. سوندىقتان ۇقشۇ تاجىكستانداعى ەمومالي راحمون رەجيمىن ساقتاۋ ءۇشىن پايدالانىلۋى مۇمكىن. بۇل جەردە مىناداي سۇراق تۋىندايدى: بۇل ادامدار شىنىمەن تەررورشىلار ما، الدە بەيبىت تۇرعىندار اراسىندا اۋعانستاننان كەلگەن ەكسترەميستەر مەن لاڭكەستەرمەن بايلانىسى بار ەسىرتكى توپتار ما؟ سوندىقتان قازىر ءبارى تاجىكستان بيلىگىنىڭ قانشالىقتى جىلدام جۇمىس ىستەيتىنىنە بايلانىستى. وسى تۇرعىدان العاندا تاجىكستان اۋماعىنا ۇقشۇ اسكەرىن ەنگىزۋ مۇمكىندىگىن جوققا شىعارماۋ كەرەك»، - دەدى مەدەتبەكوۆ.
قازىرگى ۋاقىتتا ۇقشۇ-عا التى مەملەكەت – ارمەنيا، بەلارۋس، قازاقستان، قىرعىزستان، رەسەي جانە تاجىكستان كىرەدى.
كەشە تاجىكستان ىشكى ىستەر مينيسترلىگى رۋشان اۋدانىندا جۇرگىزىلگەن «انتيتەررورلىق وپەراتسيا» ناتيجەسىندە ۇيىمداسقان قىلمىستىق توپتىڭ سەگىز مۇشەسى ءولتىرىلىپ، 11 ادام جارالانىپ، 70-تەن استام ادام جارالانعانىن حابارلادى.
سونداي-اق ۇيىمداسقان قىلمىستىق توپتاردىڭ ۇلتتىق قاۋىپسىزدىك كوميتەتىنىڭ لاڭكەستىككە قارسى ارنايى بولىمشەسىنىڭ كولىكتەر كولونناسىنا شابۋىل جاساعانى حابارلاندى.
شابۋىل كەزىندە، ءارتۇرلى قارۋ تۇرلەرى مەن مولوتوۆ كوكتەيلدەرى قولدانىلعان. شابۋىل ناتيجەسىندە ءبىر وفيتسەر قازا تاۋىپ، ارنايى جاساقتىڭ 13 ساربازى جارالاندى.
قازىرگى ۋاقىتتا رۋشان اۋدانىندا جاعداي تۇراقتانعان.
"ادىرنا" ۇلتتىق پورتالى.
