2023 جىلى قازاقستاندا زەينەت جاسى تومەندەۋى مۇمكىن. بۇل تۋرالى ۇكىمەت باسشىسىنىڭ ورىنباسارى ەرالى توعجانوۆ ايتتى، دەپ حابارلايدى «ادىرنا» ءتىلشىسى «استانا» ارناسىنا سىلتەمە جاساپ.
ول ەلىمىزدە زەينەت جاسىن تومەندەتۋ جايى تالقىلانىپ جاتىرعانىن جەتكىزدى. توعجانوۆتىڭ سوزىنشە، بۇل ماسەلە تەرەڭ زەرتتەلۋى كەرەك.
«وسى جىلدىڭ اياعىنا دەيىن ناقتى شەشىم شىعادى. قازىر بۇل تالقىلانىپ جاتىر»،— دەدى ول.
ايتا كەتەيىك، بۇگىنگى تاڭدا ەرلەر ءۇشىن زەينەتكەرلىككە شىعۋ جاسى - 63. ال، ايەلدەر ءۇشىن - 60 جاس. بۇل كورسەتكىش 2027 جىلعا دەيىن بىرتىندەپ 63 جاسقا جەتپەك.
