ءبىر جارىم جاسقا تولماعان قىز توعىزىنشى قاباتتىڭ تەرەزەسىنەن قۇلاپ كەتتى، دەپ حابارلادى پاۆلودار وبلىستىق جەدەل جاردەم ستانتسياسىنىڭ ءباسپاسوز قىزمەتى.
ولاردىڭ مالىمەتىنشە، 15 مامىردا ساعات 18.17-دە پاۆلودارداعى 103 قىزمەتىنە قالا تۇرعىندارى قوڭىراۋ شالىپ، تولستوي كوشەسى، 90 مەكەنجايىندا ورنالاسقان ءۇيدىڭ توعىزىنشى قاباتىنان كىشكەنتاي قىز قۇلاپ كەتكەنىن ايتقان.
دارىگەرلەر التى مينۋت ىشىندە وقيعا ورنىندا بولدى. جەدەل جاردەم ءسابيدى شۇعىل وبلىستىق بالالار اۋرۋحاناسىنا جەتكىزدى.
دەنساۋلىق ساقتاۋ باسقارماسى ءباسپاسوز قىزمەتىنىڭ حابارلاۋىنشا، 2021 جىلدىڭ 5 قاڭتارىندا دۇنيەگە كەلگەن قىز اۋرۋحاناعا اۋىر باس سۇيەك-مي جاراقاتى، ميدىڭ اۋىر دارەجەدە سوعىلۋى، ميدىڭ ءىسىنۋى دياگنوزىمەن تۇسكەن.
سونىمەن قاتار 3-دارەجەلى كوما كۇيدە بولعان، وكپەسىنە، بۇيرەگىنە زاقىم كەلگەن، باۋىرى جىرتىلعان، 3-دارەجەلى زاقىمدانۋدان شوك العان، قان ۇيۋى بۇزىلىپ، اۋىر دارەجەدە قانازدىققا شالدىققان.
زارداپ شەگۋشىنىڭ جاعدايى وتە اۋىر، ول جاساندى تىنىس الدىرۋ اپپاراتىندا جاتىر.
”ادىرنا” ۇلتتىق پورتالى
