Bir jarym jasqa tolmaǵan qyz toǵyzynshy qabattyń terezesinen qulap ketti, dep habarlady Pavlodar oblystyq jedel járdem stanııasynyń baspasóz qyzmeti.
Olardyń málimetinshe, 15 mamyrda saǵat 18.17-de Pavlodardaǵy 103 qyzmetine qala turǵyndary qońyraý shalyp, Tolstoı kóshesi, 90 mekenjaıynda ornalasqan úıdiń toǵyzynshy qabatynan kishkentaı qyz qulap ketkenin aıtqan.
Dárigerler alty mınýt ishinde oqıǵa ornynda boldy. Jedel járdem sábıdi shuǵyl oblystyq balalar aýrýhanasyna jetkizdi.
Densaýlyq saqtaý basqarmasy baspasóz qyzmetiniń habarlaýynsha, 2021 jyldyń 5 qańtarynda dúnıege kelgen qyz aýrýhanaǵa aýyr bas súıek-mı jaraqaty, mıdyń aýyr dárejede soǵylýy, mıdyń isinýi dıagnozymen túsken.
Sonymen qatar 3-dárejeli koma kúıde bolǵan, ókpesine, búıregine zaqym kelgen, baýyry jyrtylǵan, 3-dárejeli zaqymdanýdan shok alǵan, qan uıýy buzylyp, aýyr dárejede qanazdyqqa shaldyqqan.
Zardap shegýshiniń jaǵdaıy óte aýyr, ol jasandy tynys aldyrý apparatynda jatyr.
”Adyrna” ulttyq portaly
