قازاقستاننىڭ لوندونداعى ەلشىلىگىندەگى دوڭگەلەك ۇستەل اياسىندا ۇلىبريتانيانىڭ ادۆوكاتتار قاۋىمداستىعىنىڭ وكىلدەرى قازاقستان رەسپۋبليكاسىنىڭ كونستيتۋتسياسىنا وزگەرىستەر مەن تولىقتىرۋلار قابىلداۋ ماسەلەسى بويىنشا الداعى رەفەرەندۋمدى تالقىلادى، دەپ حابارلايدى "ادىرنا" ۇلتتىق پورتالى.
بريتاندىق ساراپشى-قۇقىقتانۋشىلار جاڭا قازاقستاندى قۇرۋعا باعىتتالعان رەفورمالاردى وڭ باعالاپ، ولاردىڭ تابىستى ىسكە اسىرىلۋى قازاقستاندى جاڭعىرتۋدىڭ جاڭا دەڭگەيىنە جەتكىزەتىنىن اتاپ ءوتتى.
بريتاندىق زاڭگەرلەرگە قر پرەزيدەنتى قاسىم-جومارت توقاەۆتىڭ ءۇ.ج. 16 ناۋرىزداعى قازاقستان حالقىنا جولداۋىندا ۇدەلگەن ساياسي رەفورمالاردىڭ بارىسى تۋرالى اقپارات ۇسىنىلدى. ونىڭ ءبىر بولىگى – اۋقىمدى كونستيتۋتسيالىق رەفورمالار. كونستيتۋتسياعا ۇسىنىلعان تۇزەتۋلەر پاكەتى پرەزيدەنتتىك وكىلەتتىكتى شەكتەن تىس شوعىرلاندىرۋدان باس تارتۋعا، پارلامەنتتى كۇشەيتۋگە، سايلاۋ پروتسەسىن جاڭعىرتۋعا، پارتيالىق قىزمەت پەن جەرگىلىكتى باسقارۋدى كۇشەيتۋگە، ازاماتتاردىڭ ىرگەلى قۇقىقتارىن قورعاۋعا، سونداي-اق ازاماتتىق قوعام ينستيتۋتتارى مەن بۇقارالىق اقپارات قۇرالدارىنىڭ ءرولىن نىعايتۋعا باعىتتالعان.
بريتاندىق ساراپشى-قۇقىقتانۋشىلار جاڭا قازاقستاندى قۇرۋعا باعىتتالعان رەفورمالاردى وڭ باعالاپ، ولاردىڭ تابىستى ىسكە اسىرىلۋى قازاقستاندى جاڭعىرتۋدىڭ جاڭا دەڭگەيىنە جەتكىزەتىنىن اتاپ ءوتتى.
«ءبىز قازاقستانداعى رەفورمالاردى جانە الداعى رەفەرەندۋمدى قولدايمىز. رەفەرەندۋم ناتيجەلەرى تۋرالى جاقىندا بىلۋگە قۋانىشتىمىز»، – دەپ اتاپ ءوتتى كورولدىك ادۆوكات جانە ادۆوكاتتار قاۋىمداستىعىنىڭ ءتورايىمى فەليسيتي كاللەن.القابيلەر سوتى تۋرالى ماسەلە بويىنشا ول مۇنداي تاجىريبە كوپتەگەن عاسىرلار بويى اعىلشىن جالپى قۇقىق جۇيەسىندە بولعانىن مالىمدەدى جانە «ءبىزدىڭ ويىمىزشا، القابيلەر نەعۇرلىم كوپ ءىستى قاراستىرسا، سوعۇرلىم جاقسى بولادى. بۇل نوۆەللا قازاقستاندا ەنگىزىلگەنىنە قۋانىشتىمىز جانە جاڭا جۇيەدەگى پروگرەسستى قاداعالايتىن بولامىز» دەدى. ول سونداي-اق، سوت پروتسەستەرىن ونلاين-ترانسلياتسيالاۋ اشىقتىققا جانە ازاماتتاردىڭ سوت جۇيەسىنە دەگەن سەنىمىنە اكەلەدى دەپ اتاپ ءوتتى.
"ادىرنا" ۇلتتىق پورتالى.
ۇقساس جاڭالىقتار
