Qazaqstannyń Londondaǵy Elshiligindegi dóńgelek ústel aıasynda Ulybrıtanııanyń advokattar qaýymdastyǵynyń ókilderi Qazaqstan Respýblıkasynyń Konstıtýııasyna ózgerister men tolyqtyrýlar qabyldaý máselesi boıynsha aldaǵy referendýmdy talqylady, dep habarlaıdy "Adyrna" ulttyq portaly.
Brıtandyq zańgerlerge QR Prezıdenti Qasym-Jomart Toqaevtyń ú.j. 16 naýryzdaǵy Qazaqstan halqyna Joldaýynda údelgen saıası reformalardyń barysy týraly aqparat usynyldy. Onyń bir bóligi – aýqymdy konstıtýııalyq reformalar. Konstıtýııaǵa usynylǵan túzetýler paketi prezıdenttik ókilettikti shekten tys shoǵyrlandyrýdan bas tartýǵa, parlamentti kúsheıtýge, saılaý proesin jańǵyrtýǵa, partııalyq qyzmet pen jergilikti basqarýdy kúsheıtýge, azamattardyń irgeli quqyqtaryn qorǵaýǵa, sondaı-aq azamattyq qoǵam ınstıtýttary men buqaralyq aqparat quraldarynyń rólin nyǵaıtýǵa baǵyttalǵan.
Brıtandyq sarapshy-quqyqtanýshylar Jańa Qazaqstandy qurýǵa baǵyttalǵan reformalardy oń baǵalap, olardyń tabysty iske asyrylýy Qazaqstandy jańǵyrtýdyń jańa deńgeıine jetkizetinin atap ótti.
«Biz Qazaqstandaǵy reformalardy jáne aldaǵy referendýmdi qoldaımyz. Referendým nátıjeleri týraly jaqynda bilýge qýanyshtymyz», – dep atap ótti koroldik advokat jáne Advokattar qaýymdastyǵynyń tóraıymy Felısıtı Kallen.
Alqabıler soty týraly másele boıynsha ol mundaı tájirıbe kóptegen ǵasyrlar boıy aǵylshyn jalpy quqyq júıesinde bolǵanyn málimdedi jáne «bizdiń oıymyzsha, alqabıler neǵurlym kóp isti qarastyrsa, soǵurlym jaqsy bolady. Bul novella Qazaqstanda engizilgenine qýanyshtymyz jáne jańa júıedegi progressti qadaǵalaıtyn bolamyz» dedi. Ol sondaı-aq, sot proesterin onlaın-translıaııalaý ashyqtyqqa jáne azamattardyń sot júıesine degen senimine ákeledi dep atap ótti.
"Adyrna" ulttyq portaly.
