اتىراۋدا 5 قاباتتان قۇلاعان 2 جاسار بالا جانساقتاۋ بولىمىنەن پالاتاعا شىعارىلدى، دەپ حابارلادى “ادىرنا” ۇلتتىق پورتالى Nur.kz-كە سىلتەمە جاساپ.
بالانىڭ دارىگەرى، حيرۋرگ ادىلبەك دۇيسەنعاليننىڭ ايتۋىنشا، بالانىڭ بەتى بەرى قاراعان، تىنىس الا الادى.
«بالا اۋرۋحانا تۇسكەندە كوپتەگەن دياگنوزدار قويىلدى. باسسۇيەك جاراقاتىن، ەكى وكپەسىنىڭ تۇسى زاقىمدانعان، سونداي-اق دەنە جاراقاتتارىن العان. قازىرگى كەزدە ەم-دوم جاسالىپ جاتىر. ءارى قاراي ەمى پالاتادا جالعاسادى»، - دەيدى دارىگەر ادىلبەك دۇيسەنعالين.
بالانىڭ اناسى اق حالاتتى جاندارعا العىسىن جەتكىزدى.
«سول كۇنى بالام اتا-اجەسىمەن بولعان. اشىق قالعان تەرەزەنىڭ تورىن باسىپ قالىپ، قۇلاپ كەتكەن. ءبىز جولداسىمىز ەكەۋىمىز كەز كەلگەن جاعدايعا دايىن بولدىق. ويتكەنى مۇندايدان كەيىن جازىلىپ شىعۋ عاجايىپپەن تەڭ. دارىگەرلەردىڭ بىلىكتىلىگىنىڭ ارقاسىندا بالامنىڭ جاعدايى جاقسارا باستادى. ولار بالانىڭ جاعدايىنىڭ ءبارىن بىزگە جەتكىزىپ وتىردى. اق حالاتتى جاندار بالاما ەكىنشى ءومىر سىيلادى»،- دەيدى بالانىڭ اناسى.
