ءسابيتتىڭ ەرلىگىن تاسپاعا تۇسىرگەن كەلىنشەك وكپەلى

35692

8-قاباتتان قۇلاپ كەتۋگە شاق قالعان ءسابيدى قۇتقارىپ  قالعان ءسابيت شونتاقباەۆ پەن ساعي جىلقىشيەۆتىڭ ەرلىگى قوعامدا قىزۋ تالقىدا. ال ونىڭ ەرلىگىن تاسپاعا ءتۇسىرىپ العان ەلوردالىق تۇرعىن وز ەڭبەگىنىڭ ەسكەرۋسىز قالعانىنا قاپالى. بۇل تۋرالى Nege.kz ءتىلشىسى باقىت چەتەنوۆامەن سويلەسىپ، وقيعانىڭ قالاي وربىگەنىن ءوز اۋزىنان ەستىگەن، دەپ حابارلايدى “ادىرنا” ۇلتتىق پورتالى.

“مەن قازىر دەكرەتتىك دەمالىستا وتىرعان انامىن. سول كۇنى كۇن ىستىق بولعاندىقتان تەرەزەنى اشىپ قويعانمىن. كەنەت سىرتتان كوپ ادامنىڭ ايقايلاعان داۋىسىن ەستىدىم. مەن العاش كورگەنىمدە، ءسابيت تەرەزەگە ۇمتىلىپ جاتىر ەكەن. دەرەۋ تەلەفونىما جۇگىرىپ، تاسپاعا ءتۇسىردىم. سەبەبى، ابايسىزدا بالا مەرت بولسا، ءسابيتتىڭ كىناسىزدىگىن تەك ۆيدەومەن دالەلدەۋگە بولادى دەپ ويلادىم. ابىروي بولعاندا، ءبۇلدىرشىن امان قالدى. ۆيدەونى لەزدە، كورشىلەردىڭ الەۋمەتتىك جەلىدەگى پاراقشاسىنا جىبەردىم. سوسىن بارلىعىمىز سىرتقا شىقتىق. ءسۇت ءپىسىرىم ۋاقىتتا مەن تۇسىرگەن ۆيدەو قوعامدىق رەزونانستىڭ تۋىنا سەبەپكەر بولدى. ءسابيت پەن ساعيدىڭ ءۇيلى بولۋىنا سول ۆيدەونىڭ سەپتىگى ءتيدى دەپ ويلايمىن”، - دەدى ول.

ءۇش بالانىڭ اناسى باقىتتىڭ ايتۋىنشا، قازاقستاندا ەرلىك كورسەتكەن باتىرلاردىڭ ءىسى كورىنبەي قالىپ جاتىر. سوندىقتان لەزدە ۆيدەوعا ءتۇسىرىپ العان. الايدا باقىت ءسابيت پەن ساعيعا رەنجەۋلى.

“ولار كوپتىڭ قولىنان كەلە بەرمەيتىن ناعىز ەرلىك ىستەدى. ءسابيت ءۇشىن دە، ساعي ءۇشىن دە وتە قۋانىشتىمىن. ءسابيتتىڭ ءۇيلى بولعانىنان حاباردار بولعان سوڭ، قۇتتىقتايىن دەپ حابارلاستىم. تۇتقاسىن كوتەرمەدى. ۆاتسابىنا حابارلاما جازعان ەدىم. وقىدى، بىراق جاۋاپ قايتارمادى. «ۆيدەوعا تۇسىرگەنىڭىز ءۇشىن راقمەت!» دەسە بولدى عوي. ماعان ەشكىم العىس ايتپادى.

ءتىپتى الەۋمەتتىك جەلىدە كوپ حالىق «وسى وقيعا ۆيدەوعا ءتۇسىپ قالماعاندا ساعي مەن ءسابيتتىڭ ەرلىگى ەلەۋسىز قالاتىن ەدى» دەپ جازىپ جاتىر ەكەن. مەن دە سولاي ويلايمىن. سول ۆيدەو ءتىپتى بريتانيا، كورەيا، اقش سياقتى ەلدەرگە دە تاراپ كەتىپتى. بارلىق تەلەارنا سول ۆيدەومەن سيۋجەت جاسادى. بىراق مەنى اۆتور رەتىندە كورسەتپەگەن. تەك ءبىر عانا سايت سىياقى بەرىپ، ۆيدەونىڭ اۆتورى رەتىندە مەنىڭ ەسىمىمدى جازىپ جاريالادى”،- دەپ رەنىشىن ءبىلدىردى ول.

ادىرنا” ۇلتتىق پورتالى

پىكىرلەر
ۇقساس جاڭالىقتار
Серіктестер/Партнеры
Студия IMA - создание сайтов Доставка цветов Астана - Lova Buket