رەسەي پرەزيدەنتى ۆلاديمير پۋتين قازاقستانعا مەملەكەتتىك ساپارمەن كەلدى. بۇل تۋرالى 27 مامىردا اقوردانىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
پرەزيدەنت قاسىم-جومارت توقاەۆ مارتەبەلى مەيماندى ەلوردا اۋەجايىندا قارسى الدى. ۇشاق تراپىنىڭ الدىندا قۇرمەت قاراۋىلى روتاسى ساپ تۇزەدى.
ۆلاديمير پۋتين مەن رەسمي دەلەگاتسيا مۇشەلەرىنە ەكى ەلدىڭ جالاۋشالارىن ۇستاعان بالالار، ماحامبەت وتەمىسوۆ اتىنداعى وقۋشىلار سارايىنىڭ بارابانشىلارى قوشەمەت كورسەتتى.
ودان كەيىن قازاقستان مەن رەسەي تۋلارىن جەلبىرەتكەن تىكۇشاقتار الاڭ ۇستىمەن ۇشىپ ءوتتى.
ايتا كەتەيىك، كەلىسسوزدەر بارىسىندا قاسىم-جومارت توقاەۆ پەن ۆلاديمير پۋتين قازاقستان مەن رەسەي اراسىنداعى جان-جاقتى ستراتەگيالىق سەرىكتەستىك پەن وداقتاستىق قاتىناستاردىڭ قازىرگى جاي-كۇيىن، سونداي-اق ونى نىعايتۋ پەرسپەكتيۆالارىن تالقىلايدى.
28 مامىردا ەۋرازيالىق ەكونوميكالىق وداققا مۇشە مەملەكەتتەر باسشىلارىنىڭ قاتىسۋىمەن ەۋرازيالىق ەكونوميكالىق فورۋم وتەدى. ال 29 مامىردا جوعارى ەۋرازيالىق ەكونوميكالىق كەڭەس وتىرىسى وتپەك.
