“شەكارادان تەز وتتىك”: رەسەي ازاماتى كينو كورۋ ءۇشىن قازاقستانعا كەلگەن

3561
Adyrna.kz Telegram
فوتو: اشىق دەرەككوزدەن
فوتو: اشىق دەرەككوزدەن

رەسەيلىك ەر ادام رەسەيدە پروكاتقا شىقپاعان "دوكتور سترەندج: ۆ مۋلتيۆسەلەننوي بەزۋميا" ءفيلمىنىڭ پرەمەراسىن كورۋ ءۇشىن اۆتوكولىكپەن پاۆلودارعا بارعان.  بۇل تۋرالى  "تينكوفف جۋرنالىنا” ايتتى، دەپ حابارلايدى “ادىرنا” ۇلتتىق پورتالى.

"مەن كينو كورگەندى جاقسى كورەمىن جانە وزىمە ۇنايتىن فيلمدەردىڭ پرەمەراسىن جىبەرىپ العىم كەلمەيدى. سوندىقتان، "سترەندجدىڭ" پرەمەراسىن ۇلكەن ەكراندا، جاقسى ساپادا كورگىم كەلىپ مامىر مەرەكەلەرىندە نوۆوسيبيرسك ارقىلى پاۆلودارعا جولعا شىقتىم. نوۆوسيبيرسكى مەن پاۆلوداردىڭ اراسى جاقىن، شامامەن 580 شاقىرىم", - دەدى دميتري بۋتىرين.

ول دوسىمەن بىرگە 6 مامىردا جولعا دايىندالار الدىندا كوروناۆيرۋسقا پتر سىناماسىن تاپسىرىپ، 8 مامىردا اۆتوكولىكپەن جولعا شىققان. رەسەيلىك ازاماتتار پاۆلودارعا دەيىن جانار-جاعارماي قۇيۋ بەكەتىن قوسا العاندا  4600 رۋبل نەمەسە 30 600 تەڭگە جۇمساعان.

"شەكاراعا دەيىنگى جول بەس ساعاتقا سوزىلدى، بۇل باعىتتاعى جول ساپاسى ناشار. شەكارادان ءوتۋ قيىن بولار دەگەن ەدىم، تەز وتتىك. بار جوعى 30-40 مينۋت ۋاقىت كەتتى", - دەدى ول.

شەكارادان كىرگەن بويدا كولىگىن ساقتاندىرۋدى رەسىمدەگەن. 15 تاۋلىككە ەڭ تومەنگى تاريف وعان 12 363 تەڭگەگە شىققان.  سونداي-اق، ونىڭ ايتۋىنشا، قازاقستاندا جىلدامدىق رەجيمىن بۇزعانى ءۇشىن قولداناتىن جازا الدەقايدا قاتال.

رەسەيلىك قازاقستاندا ازىق-تۇلىك باعاسى تومەن ەكەنىن ايتىپ تاڭعالدى. رەسەيمەن سالىستىرعاندا ءبىر جارىم-ەكى ەسە تومەن ەكەنىن ايتادى.

فيلمگە كىرۋ 2200 تەڭگە نەمەسە 327 رۋبل بولعان، ءتىپتى ستۋدەنت رەتىندە جەڭىلدىك العان. پوپكورن 1900 تەڭگە نەمەسە 282 رۋبل شىققان.

"زال جاقسى جابدىقتالعان، بىراق ادام تولمادى. فيلم پرەمەراسى كەرەمەت ءوتتى", - دەپ ءبولىستى دميتري بۋتىرين.

رەسەيلىكتەر قازاقستانداعى ساپارىنا 12 821 رۋبل نەمەسە 82 مىڭ تەڭگە جۇمساعان. ايتۋلارىنشا، ەڭ كوپ اقشا بەنزين مەن اۆتوكولىكتى ساقتاندىرۋعا كەتكەن.

ادىرنا” ۇلتتىق پورتالى.

پىكىرلەر