ماڭعىستاۋ وبلىسىنىڭ مۇنايلى اۋدانىندا ەكى بالا شۇڭقىرداعى سۋعا باتىپ كەتتى، دەپ حابارلايدى «ادىرنا» ءتىلشىسى قازاقپاراتقا سىلتەمە جاساپ.
قايعىلى وقيعا مۇنايلى اۋدانىنىڭ باتىر اۋىلىندا بولعان. وبلىستىق توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنە سەنسەك، ءۇيدىڭ جانىنداعى تەرەڭدىگى مەتردەن اساتىن شۇڭقىر نوسەر جاڭبىردان كەيىن سۋعا تولىپ قالعان.
بۇل شۇڭقىردى ءۇي يەلەرى اجەتحانا تۇرعىزۋ ءۇشىن قازعان. اتاسى مەن اجەسىنىڭ ۇيىنە بارا جاتقاندا 2008 جانە 2012 جىلى تۋعان ەكى بالا الگى شۇقىرعا ءتۇسىپ كەتكەن. ولار شۇڭقىرداعى سۋدان ءوز بەتىنشە شىعا الماعان.
قۇتقارۋشىلار بالالاردى كوزدەن تاسا ەتپەۋ كەرەكتىگىن، قۇدىقتار مەن ارىقتاردىڭ بەتىن جاۋىپ ءجۇرۋ كەرەكتىگىن تاعى دا ەسكە سالادى.
«ادىرنا» ۇلتتىق پورتالى
