Mańǵystaý oblysynyń Munaıly aýdanynda eki bala shuńqyrdaǵy sýǵa batyp ketti, dep habarlaıdy «Adyrna» tilshisi QazAqparatqa silteme jasap.
Qaıǵyly oqıǵa Munaıly aýdanynyń Batyr aýylynda bolǵan. Oblystyq tótenshe jaǵdaılar departamenti baspasóz qyzmetiniń málimetine sensek, úıdiń janyndaǵy tereńdigi metrden asatyn shuńqyr nóser jańbyrdan keıin sýǵa tolyp qalǵan.
Bul shuńqyrdy úı ıeleri ájethana turǵyzý úshin qazǵan. Atasy men ájesiniń úıine bara jatqanda 2008 jáne 2012 jyly týǵan eki bala álgi shuqyrǵa túsip ketken. Olar shuńqyrdaǵy sýdan óz betinshe shyǵa almaǵan.
Qutqarýshylar balalardy kózden tasa etpeý kerektigin, qudyqtar men aryqtardyń betin jaýyp júrý kerektigin taǵy da eske salady.
«Adyrna» ulttyq portaly
