مەملەكەت باسشىسى قاسىم-جومارت توقاەۆ وزبەكستان پرەزيدەنتى شاۆكات ميرزيوەۆپەن تەلەفون ارقىلى سويلەستى. بۇل تۋرالى اقوردا جازدى، دەپ حابارلايدى «ادىرنا» ءتىلشىسى.
پرەزيدەنتتەر ءبىر-ءبىرىن جەڭىس كۇنىمەن قۇتتىقتاپ، باۋىرلاس ەكى مەملەكەتتىڭ حالقىنا قۇت-بەرەكە تىلەدى.
قاسىم-جومارت توقاەۆ پەن شاۆكات ميرزيوەۆ قازاقستان مەن وزبەكستان اراسىنداعى ستراتەگيالىق سەرىكتەستىك پەن وداقتاستىقتىڭ قازىرگى جاعدايىن جانە دامۋ پەرسپەكتيۆالارىن تالقىلادى.مەملەكەتتەر باسشىلارى ساۋدا-ەكونوميكالىق جانە باسقا دا سالالارداعى ءوزارا مۇددەگە نەگىزدەلگەن ىنتىماقتاستىقتى جانداندىرۋعا ەرەكشە ءمان بەردى. سونداي-اق كوپجاقتى سەرىكتەستىكتى ودان ءارى جان-جاقتى دامىتۋعا نيەتتەستىك ءبىلدىردى. بۇدان بولەك كوشباسشىلار ايماقتىق ىنتىماقتاستىقتىڭ وزەكتى ماسەلەلەرىن، سونىڭ ىشىندە وسى جازدا وتەتىن ورتالىق ازيا مەملەكەتتەرى باسشىلارىنىڭ كونسۋلتاتيۆتىك كەزدەسۋىن قاراستىردى.
«ادىرنا» ۇلتتىق پورتالى
