Memleket basshysy Qasym-Jomart Toqaev Ózbekstan Prezıdenti Shavkat Mırzııoevpen telefon arqyly sóılesti. Bul týraly Aqorda jazdy, dep habarlaıdy «Adyrna» tilshisi.
Prezıdentter bir-birin Jeńis kúnimen quttyqtap, baýyrlas eki memlekettiń halqyna qut-bereke tiledi.
Qasym-Jomart Toqaev pen Shavkat Mırzııoev Qazaqstan men Ózbekstan arasyndaǵy strategııalyq seriktestik pen odaqtastyqtyń qazirgi jaǵdaıyn jáne damý perspektıvalaryn talqylady.
Memleketter basshylary saýda-ekonomıkalyq jáne basqa da salalardaǵy ózara múddege negizdelgen yntymaqtastyqty jandandyrýǵa erekshe mán berdi. Sondaı-aq kópjaqty seriktestikti odan ári jan-jaqty damytýǵa nıettestik bildirdi.
Budan bólek kóshbasshylar aımaqtyq yntymaqtastyqtyń ózekti máselelerin, sonyń ishinde osy jazda ótetin Ortalyq Azııa memleketteri basshylarynyń konsýltatıvtik kezdesýin qarastyrdy.
«Adyrna» ulttyq portaly
