Memleketke 1 mlrd teńge shyǵyn keltirgen shymkenttik sheneýnik sottaldy

1387
Foto: gov.kz
Foto: gov.kz

Shymkentte qarjy basqarmasynyń burynǵy basshysyna qatysty sot úkimi shyqty. Kenjebek Janbosynov memleketke 1 mlrd teńge shyǵyn keltirdi dep kúdikke ilingen edi. Sot úkimin estigen eks-shendi sot zalynda otyrǵan ornynan tura almaı qalǵan, dep habarlaıdy «Adyrna» ulttyq portaly Aibat-qa silteme jasap.

Kenjebek Janbosynov Shymkenttegi qarjy basqarmasyna tórt jyl buryn basshy bolyp kelgen. Jyly orynǵa otyrǵan 10 kúnnen soń qaladaǵy áleýmettik kásipkerlik korporaııasynyń dırektor alqysy bolǵan. Alaıda keıingi mindetinde esepten jańylyp, memleketke 1 mlrd teńge zııan keltirgen.

"Shymkent qalasynyń jastaryna arnap salynǵan toǵyzqabatty úıdiń páteriniń baǵasynyń negizsiz ósýin bile tura, tıisti jumystar júrgizbegen", - deıdi Qarataý aýdandyq sotynyń sýdıasy Alpysbaı Nálibaev.

Qos qyzmetti qatar ustaǵan sheneýniktiń ústinen qylmystyq is eki jyl buryn qozǵalǵan. Shymkenttiń burynǵy bas qarjygerine sottyń úkimi 5 mamyr kúni shyqqan. 3 jylǵa bas bostandyǵynan aıyrylǵanyn estigen sheneýnik sot otyrysynda emoııasyn ustaı almady. Al sottalýshynyń advokattary sot úkimimen kelispeıtinderin birden aıtqan.

"Bul is boıynsha prokýror úsh ret aýysty. Tergeý barysynda qandaı ispen aıyptalatynyn eshkim ashyp aıta almady. Qosymsha dálelder usyna almady", - deıdi zańger Sáken Qasymbekov.

Sottyń úkimi áli zańdy kúshine engen joq. Eks-sheneýniktiń qorǵaýshylary appelıaııalyq shaǵym túsiremiz dep otyr. Al sotty bolǵan Kenjebek Janbosynov jazasyn Shymkenttegi orta dárejedegi túrmede óteıdi.

"Adyrna" ulttyq portaly

Pikirler
Uqsas jańalyqtar