ناتو رەسەي مەن قىتايدى ازيا-تىنىق مۇحيتى ايماعىنداعى ەلدەرمەن جاڭا اسكەري كەلىسىمدەر ارقىلى قورشاۋدى جوسپارلاپ وتىر. بۇل تۋرالى مۋلتيپولياريست ءجۋرناليسى بەندجامين نورتون جازادى، دەپ حابارلايدى "ادىرنا" ۇلتتىق پورتالى.
جۋرناليست جازباسىندا اتاپ وتكەندەي، سولتۇستىك اتلانتيكالىق اليانس يۋگوسلاۆيا، ليۆيا جانە اۋعانستاندى جويىپ جىبەرسە، ەندى ماسكەۋ مەن بەيجىڭگە كوز تىگىپ وتىر. اقش باستاعان بلوك ۋكراينانى قارۋ-جاراقپەن تولتىرىپ، اسىرەسە، وڭشىل سودىرلاردى دايىندادى. سونداي-اق، ەكى قارسىلاسىن قورشاۋ ءۇشىن ازياعا قاراي كەڭەيدى، دەپ اتاپ ءوتتى اۆتور.
نورتون 6-7 ساۋىردە اليانسقا مۇشە ەلدەردىڭ سىرتقى ىستەر مينيسترلەرىنىڭ بريۋسسەلدە وتكەن كەزدەسۋىندە ناتو-عا كىرمەيتىن بىرنەشە ەۋروپالىق ەلدەردىڭ (گرۋزيا، فينليانديا جانە شۆەتسيا) وكىلدەرى بولعانىن اتاپ ءوتتى. سونىمەن قاتار، جاپونيا، وڭتۇستىك كورەيا، اۆستراليا جانە جاڭا زەلانديا شەنەۋنىكتەرى دە بولعان.
«اقش قىرعي-قاباق سوعىستى ۋشىقتىرادى. سوندىقتان سولتۇستىك اتلانتيكالىق اليانس وسى ازيا-تىنىق مۇحيتى دەرجاۆالارىمەن اسكەري ىنتىماقتاستىقتى تەرەڭدەتۋدە»، - دەيدى باقىلاۋشى.
باتىس بىرنەشە رەت ۋادەسىن بۇزىپ، ماسكەۋدى اسكەري جاعىنان قورشاپ تۇرعان رەسەي شەكارالارىنا دەيىن كەڭەيدى. ەندى ۆاشينگتوننىڭ ماقساتى – بارلىق جاققا جانە بەيجىڭگە تاڭۋ، دەپ تۇيىندەدى شولۋشى.
"ادىرنا" ۇلتتىق پورتالى
