Memleket basshysynyń jarlyǵymen Ekinshi dúnıejúzi soǵysynda erlik kórsetken úsh maıdanger marapattaldy dep habarlaıdy "Adyrna" ulttyq portaly akorda.kz-ke silteme jasap.
«1941-1945 jyldardaǵy Uly Otan soǵysynda kórsetken erligi men qaharmandyǵy úshin joǵary dárejeli erekshelik belgisi – «Halyq qaharmany» ataǵy berilip, aıryqsha erekshelik belgisi – Altyn juldyz ben «Otan» ordeni tapsyrylsyn» delingen Jarlyqta.
Odar:
- Ábdibekov Tóleýǵalı Nasyrhanuly (marqum) - 8-shi gvardııalyq Qyzyltýly atqyshtar dıvızııasy 302-shi gvardııa atqyshtar polki 2-shi atqyshtar rotasynyń mergeni
- Nesmııanov Aleksandr Aleksandrovıch (marqum) - 126-shy Gorlovka Qyzyltýly atqyshtar dıvızııasy 690-shy atqyshtar polki 1-shi atqyshtar batalonynyń komandıri
- Súleımenov Ybyraıym (marqum) - 100-shi bólek atqyshtar brıgadasy atqyshtar batalony 2-shi bólimshesiniń mergen-baqylaýshysy.
" Súıinshi! Tarıhı ádildik ornady" Keńes Odaǵynyń batyry ataǵyna usynylyp, almaǵan qazaqtyń ataqty snaıperleri - Ábdibekov Tóleýǵalı men Súleımenov Ybyraıymǵa Memleket basshysynyń jarlyǵymen «Halyq qaharmany» ataǵy berildi. Mergendik qabilet qazaqtar arasynda ejelden beri óte joǵary baǵalanǵan. Múmkin, tektiligi, qazaq qany óz yqpalyn tıgizgen bolar, soǵys jyldarynda joǵary dárejeli snaıperler arasynda qazaqtar sany az bolmaǵan...
Osy shaıqas úshin Mánshúk Mámetova men Ybyraıym Súleımenov keıinnen Keńes Odaǵynyń Batyry ataǵyna usynyldy. Mánshúk Mámetova Batyry ataǵyn aldy, Ybyraıym Súleımenovke «Lenın» ordeni berildi" , - dedi Berik Ábdiǵalıuly Facebook paraqshasyna.
"Adyrna" ulttyq portaly
