قر مەملەكەتتىك حاتشىسى ەرلان قارين قازاقستانداعى كونستيتۋتسيالىق رەفورما تۋرالى مالىمدەمە جاسادى، دەپ حابارلايدى «ادىرنا» ءتىلشىسى.
«بۇگىن كونستيتۋتسيالىق كەڭەس ەل اتا زاڭىنا تۇزەتۋلەر ەنگىزۋ جوباسى بويىنشا وڭ قورىتىندى بەردى. بۇل – مەملەكەت پەن ۇلت بولاشاعى ءۇشىن ەرەكشە ماڭىزى بار كونستيتۋتسيالىق رەفورمانى جۇزەگە اسىرۋدىڭ ماڭىزدى كەزەڭدەرىنىڭ ءبىرى.
كونستيتۋتسيالىق رەفورما بيلىك تارماقتارى اراسىنداعى قارىم-قاتىناستىڭ تەپە-تەڭدىگىن وڭتايلاندىرۋعا، حالىقتىڭ ەل باسقارۋ ىسىنە قاتىسۋىن كەڭەيتۋگە، ازاماتتاردىڭ كونستيتۋتسيالىق قۇقىقتارىن قورعاۋدى كۇشەيتۋگە ارنالعان. سونداي-اق، جۇمىس توبىنىڭ كەيبىر مۇشەلەرىنىڭ ۇسىنىسىن ەسكەرە وتىرىپ، كونستيتۋتسيالىق كەڭەسكە تۇڭعىش پرەزيدەنتتىڭ مارتەبەسىنە قاتىستى نورمانى الىپ تاستاۋ تۋرالى قوسىمشا ءوتىنىش جىبەرىلدى. ولاردىڭ پىكىرىنشە، تۇڭعىش پرەزيدەنتتىڭ تاريحي ءرولى جالپىعا ءمالىم جانە كونستيتۋتسيادا ارنايى بەكىتۋدى تالاپ ەتپەيدى. رەفورما بۇكىل قوعامنىڭ مۇددەسى ءۇشىن جۇزەگە اسىرىلادى»،– دەدى ول.
«ادىرنا» ۇلتتىق پورتالى
