التى قازاقستاندىق سۋرەتشى قازاق حاندىعىنىڭ بيلەۋشىلەرىن انيمە ستيلىندە سالدى. ولاردىڭ ارقايسىسى وزدەرىنە ەرەكشە اسەر ەتكەن حاندى تاڭداعان: بوكەي، حاقنازار، ابىلاي، قاسىم، كەنەسارى جانە جانىبەك. بۇل تۋرالى TengriMIX جازدى، دەپ حابارلايدى «ادىرنا» ءتىلشىسى.
كوللابوراتسيا يدەياسىن جۇزەگە اسىرۋ نۇرسۇلتاندىق ماعيرا تىلەۋبەردينا مەن اقتوتا قاناتوۆانىڭ ويىنا كەلگەن.
«انيمە، مۋلتفيلم سياقتى ستيلدەرى ۇقساس سۋرەتشىلەرگە كوللاب جاساپ، تاريحي تۇلعالاردى جاس، زاماناۋي ستيلدە كورسەتۋگە تىرىستىق»، - دەيدى سۋرەتشى ماعيرا.
سۋرەتشىلەر ءار حاننىڭ تاريحىمەن جەكە تانىسىپ شىققان.
«ابىلاي حاننىڭ شىن اتى – ءابىلمانسۇر، ال اكەمنىڭ ەسىمى – مانسۇر. ونىڭ زامانىندا بۇل وتە سيرەك كەزدەسەتىن ەسىم بولعاندىقتان، ءاردايىم ءابىلمانسۇردىڭ ۇلگىسىندە بۇل اتاۋدىڭ قازاق ەكەنىن دالەلدەگەن. ابىلاي حاندى ەرەكشە ادەمى ءارى كۇشتى بولعان دەپ ەلەستەتەمىن. ونىڭ مىنەزىن وسىلاي جەتكىزگىم كەلدى»، - دەپ ءتۇسىندىردى ماعيرا تىلەۋبەرلينا.
اۆتورلار نەگىزگى مىندەت تاريحتى قايتا ەسكە ءتۇسىرۋ جانە ول تۋرالى زاماناۋي ستيلدە ايتۋ ەكەنىن اتاپ ءوتتى. وسىلايشا ولار قازاقستاندىق جاستاردىڭ نازارىن تاريحقا اۋدارتقىسى كەلگەن.
«ادىرنا» ۇلتتىق پورتالى
