Алты қазақстандық суретші Қазақ хандығының билеушілерін аниме стилінде салды. Олардың әрқайсысы өздеріне ерекше әсер еткен ханды таңдаған: Бөкей, Хақназар, Абылай, Қасым, Кенесары және Жәнібек. Бұл туралы TengriMIX жазды, деп хабарлайды «Адырна» тілшісі.
Коллаборация идеясын жүзеге асыру нұрсұлтандық Мағира Тілеубердина мен Ақтота Қанатованың ойына келген.
«Аниме, мультфильм сияқты стилдері ұқсас суретшілерге коллаб жасап, тарихи тұлғаларды жас, заманауи стильде көрсетуге тырыстық», - дейді суретші Мағира.
Суретшілер әр ханның тарихымен жеке танысып шыққан.
«Абылай ханның шын аты – Әбілмансұр, ал әкемнің есімі – Мансұр. Оның заманында бұл өте сирек кездесетін есім болғандықтан, әрдайым Әбілмансұрдың үлгісінде бұл атаудың қазақ екенін дәлелдеген. Абылай ханды ерекше әдемі әрі күшті болған деп елестетемін. Оның мінезін осылай жеткізгім келді», - деп түсіндірді Мағира Тілеуберлина.
Авторлар негізгі міндет тарихты қайта еске түсіру және ол туралы заманауи стильде айту екенін атап өтті. Осылайша олар қазақстандық жастардың назарын тарихқа аудартқысы келген.
«Адырна» ұлттық порталы
