قاسىم-جومارت توقاەۆ رەجەپ تايىپ ەردوعانمەن سويلەستى

2816
Adyrna.kz Telegram

قازاقستان مەن تۇركيا باسشىلارى تەلەفونمەن بايلانىسىپ، ءبىرىن-ءبىرى ورازا ايت مەرەكەسىمەن قۇتتىقتاپ، باۋىرلاس ەكى حالىققا اماندىق، باق-بەرەكە جانە تابىس تىلەدى، دەپ حابارلايدى "ادىرنا" ۇلتتىق پورتالى.

پرەزيدەنتتەر سونداي-اق ساۋدا-ەكونوميكالىق، ينۆەستيتسيالىق جانە مادەني-گۋمانيتارلىق ىنتىماقتاستىقتى ودان ءارى نىعايتۋعا باسا نازار اۋدارا وتىرىپ، قازاقستان-تۇركيا ستراتەگيالىق سەرىكتەستىگىنىڭ دامۋ پەرسپەكتيۆالارىن تالقىلادى.

پرەزيدەنت ەردوعان پرەزيدەنت توقاەۆتىڭ تۇركياعا 10-11 مامىرعا جوسپارلانعان مەملەكەتتىك ساپارى ەلدەر اراسىنداعى جان-جاقتى ستراتەگيالىق ارىپتەستىكتى كەڭەيتۋدەگى ماڭىزدى كەزەڭ بولاتىنىن ايتتى. قاسىم-جومارت توقاەۆ انكارادا وتەتىن كەلىسسوزدەرگە وسىنداي كوزقاراسپەن كەلىستى.

قازاقستان پرەزيدەنتى تۇركى مەملەكەتتەرى ۇيىمىنىڭ ەكونوميكالىق، گۋمانيتارلىق جانە مادەني بايلانىستاردى كەڭەيتۋدەگى ماڭىزدى ءرولىن اتاپ ءوتتى.

"ادىرنا" ۇلتتىق پورتالى

پىكىرلەر