Qazaqstan men Türkiia basşylary telefonmen bailanysyp, bırın-bırı Oraza ait merekesımen qūttyqtap, bauyrlas ekı halyqqa amandyq, baq-bereke jäne tabys tıledı, dep habarlaidy "Adyrna" ūlttyq portaly.
Prezidentter sondai-aq sauda-ekonomikalyq, investisiialyq jäne mädeni-gumanitarlyq yntymaqtastyqty odan ärı nyǧaituǧa basa nazar audara otyryp, Qazaqstan-Türkiia strategiialyq serıktestıgınıŋ damu perspektivalaryn talqylady.
Prezident Erdoǧan Prezident Toqaevtyŋ Türkiiaǧa 10-11 mamyrǧa josparlanǧan memlekettık sapary elder arasyndaǧy jan-jaqty strategiialyq ärıptestıktı keŋeitudegı maŋyzdy kezeŋ bolatynyn aitty. Qasym-Jomart Toqaev Ankarada ötetın kelıssözderge osyndai közqaraspen kelıstı.
Qazaqstan Prezidentı Türkı memleketterı ūiymynyŋ ekonomikalyq, gumanitarlyq jäne mädeni bailanystardy keŋeitudegı maŋyzdy rölın atap öttı.
"Adyrna" ūlttyq portaly
