Qazaqstan men Túrkııa basshylary telefonmen baılanysyp, birin-biri Oraza aıt merekesimen quttyqtap, baýyrlas eki halyqqa amandyq, baq-bereke jáne tabys tiledi, dep habarlaıdy "Adyrna" ulttyq portaly.
Prezıdentter sondaı-aq saýda-ekonomıkalyq, ınvestıııalyq jáne mádenı-gýmanıtarlyq yntymaqtastyqty odan ári nyǵaıtýǵa basa nazar aýdara otyryp, Qazaqstan-Túrkııa strategııalyq seriktestiginiń damý perspektıvalaryn talqylady.
Prezıdent Erdoǵan Prezıdent Toqaevtyń Túrkııaǵa 10-11 mamyrǵa josparlanǵan memlekettik sapary elder arasyndaǵy jan-jaqty strategııalyq áriptestikti keńeıtýdegi mańyzdy kezeń bolatynyn aıtty. Qasym-Jomart Toqaev Ankarada ótetin kelissózderge osyndaı kózqaraspen kelisti.
Qazaqstan Prezıdenti Túrki memleketteri uıymynyń ekonomıkalyq, gýmanıtarlyq jáne mádenı baılanystardy keńeıtýdegi mańyzdy rólin atap ótti.
"Adyrna" ulttyq portaly