«Dauletten» قايىرىمدىلىق قورى تاراپىنان قاسيەتتى رامازان ايىندا «بالا-شاعامەن سولتۇستىككە» جوباسى باستاۋ العان بولاتىن. جوبا بارىسىندا 5 وتباسىنى سولتۇستىك وڭىرگە كوشىرۋ جوسپارلانعان. جوباعا 2022 جىلدىڭ 5-15 ءساۋىر ارالىعىندا 1311 ءوتىنىم كەلدى. العاشقى كەزەڭدە ءوتىنىم بەرگەن قاتىسۋشىلاردىڭ اراسىنان جوعارى بالل جيناعان 20 وتباسى تاڭدالىپ، پسيحولوگ مامانمەن سۇحبات جۇرگىزدى.
كەلەسى ىرىكتەۋ كەزەڭىنە جيىنى 10 وتباسى وتكەن بولاتىن. سوڭعى كەزەڭدە جوبا قاتىسۋشىلارىمەن قوردىڭ قامقورشىلىق كەڭەس مۇشەلەرى، سونداي-اق قر پارلامەنت سەنات دۋپاتتارى، نۇر-سۇلتان قالالىق ءماسليحات دەپۋتتارى، قوعام بەلسەندىلەرى، جۋرناليستەرمەن سۇحبات جۇرگىزدى. ونىڭ ىشىندە دانا نۇرجىگىت، ءلاززات مۇراتقىزى، دوسىمجان تاڭاتاروۆ، ناعاشىبەك الدان جانە ت.ب. تۇلعالار قاتىستى. قونىس اۋداراتىن جانداردىڭ اتقاراتىن جۇمىستارىنا، بيزنەس يدەيالارىنا ءمان بەرىلدى. «بالا-شاعامەن سولتۇستىككە» جوباسىندا ۇزدىك تانىلعان 5 وتباسى:
1. سۇلتامۇراتوۆ امانجول - نۇرعاليەۆا گۇلزيرا
جامبىل وبلىسى، جامبىل اۋدانى، اسا اۋىلى
6 بالالى وتباسى
2. ءايتىموۆ ايدوس- ساتىبالديەۆا ءاليا
شىمكەنت قالاسى
7 بالالى وتباسى
3. سالقىمباي ەلدار - مۇحامەتجان ايكۇمىس
الماتى وبلىسى، قاراساي اۋدانى، ەلتاي اۋىلدىق وكرۋگى
5 بالالى وتباسى
4. بايمىرزاەۆ ابزال - ماحانوۆا پەريزات
الماتى وبلىسى، قاراساي اۋدانى، شامالعان بەكەتى
5 بالالى وتباسى
5. بايعۇلوۆ مۇراتباي- ۇزاقوۆا گۇلنۇر
ماڭعىستاۋ وبلىسى، مۇنايلى اۋدانى، بەسشوقىاۋىلى
6 بالالى وتباسى
ەسكە سالا كەتەيىك، قور تاراپىنان جوبا قاتىسۋشىلارىنا بەرىلەتىن كومەك:
- اۋىلدان ءۇي الىنادى;
- جارتى جىل كولەمىندە 60 000 تەڭگە تولەنىپ وتىرادى;
- كاسىپ باستاۋعا قور تاراپىنان 1 000 000 تەڭگە بەرىلەدى;
- وقۋشى بالالاردىڭ جاڭا وقۋ جىلىنا مەكتەپ قۇرال-جابدىقتارى الىنادى;
- ءۇيىنىڭ اۋلاسىنا كارتوپ، ءسابىز، ورامجاپىراق ەگۋگە ءبىر رەتتىك ءدانى (سەمەنا) الىنادى;
- قىس باستالعاندا ءبىرىنشى جىلى 8-10 توننا كومىر بەرىلەدى;
- كوشۋ، جول شىعىندارى تولىعىمەن قور تاراپىنان تولەنەدى;
- كوشكەن اۋىلدا 3 جىل تۇراتىن بولسا، ءۇي اتىنا اۋدارىلادى. وعان دەيىن باسپانا قوردىڭ جەكە مەنشىگىندە بولادى.
جوبا بارىسىندا تاڭدالعان ءار وتباسى ءۇشىن بۇل تاڭداۋ – ۇلكەن مۇمكىندىك. داۋلەتتىڭ قايىرىمدى وقىرماندارىنىڭ ارقاسىندا ولار ەندى جاڭا ءومىر باستايدى. اۋىل ءومىرىنىڭ وركەندەۋىنە اتسالىسىپ، بۇل جوباعا ەرەكشە جاۋاپكەرشىلىك تانىتادى دەگەن سەنىمدەمىز.
